រថយន្ត ៧កៅអី Mitsubishi Outlander ឆ្នាំ ២០២២ បានបង្ហាញខ្លួនជាផ្លូវការ ជាមួយការផ្លាស់ប្តូររូបរាងថ្មី និងបំពាក់ជាមួយម៉ាស៊ីនរបស់ Nissan។ Outlander នឹងចេញលក់ដំបូងនៅសហរដ្ឋអាមេរិចចាប់ពីខែមេសា មុនពេលចេញលក់នៅលើទីផ្សារផ្សេងៗក្នុងឆ្នាំ២០២១នេះ។ រថយន្ត Outlander ផលិតដោយប្រើប្រាស់គ្រោងរថយន្តរបស់ I-Fu-Do-Do ដែលជារថយន្តផលិតឡើងផ្អែកលើរថយន្ត Nissan Rogue។
សម្រាប់រូបរាងរបស់ Outlander មានការបំផុសគំនិតនៃការឌីស្សាញចេញពីរថយន្ត Engelberg Tourer។ ផ្នែកខាងបានបំពាក់ជាមួយប៉ាណារាងដូចអក្សរ C ដែលបំផុសគំនិតចេញពីរថយន្ត Montero ឬ Pajero និង Evolution X , ចង្កៀងមុខប្រភេទ LED ៣ថ្នាក់ត្រួតស៊ីគ្នា, អំពូលបំភ្លឺពេលថ្ងៃ និងកាត់អ័ព្ទ ប្រភេទ LED, កាងការពារការប៉ះទង្គិចនៅផ្នែកខាងក្រោយ និងថាសកង់ទំហំ ២០អ៊ីញ។
រីឯផ្នែកខាងក្នុងបានបំពាក់ជាមួយ អេក្រង់បង្ហាញទំហំ ៩អ៊ីញ, អេក្រង់កម្សាន្ត ដែលអាចភ្ជាប់ជាមួយមុខងារ Apple Carplay និង Android Auto ទំហំ ១២,៣អ៊ីញ, ពោងសុវត្តិភាពចំនួន ១១, រន្ធសាកថ្ម USB A និង USB C, Speaker ប្រភេទ Bose ចំនួន ១០កន្លែង និង full-color Head-Up Display(HUD) និងប្រព័ន្ធជំនួយការបើកបរ Adaptive Cruise Control, Lane Keep Assist និង Navigation។
ក្រុមហ៊ុន Mitsubishi អះអាងថា Mitsubishi Outlander ត្រូវបានបំពាក់ជាមួយម៉ាស៊ីនសាំង ២,៥លីត្រ ដែលបង្កើតថ្មីដោយ Alliance ដែលវាមានន័យថា Outlander កំពុងប្រើម៉ាស៊ីនដូចគ្នានិងផលិតផលរបស់ Nissan។ ដែលមានកម្លាំង ១៨១សេះ កម្លាំងបង្វិល ២៤៥ ញ៉ូតុនម៉ែត្រ ប្រើប្រាស់ប្រអប់លេខ CVT ៨វគ្គ។
Outlander ស៊េរីថ្មីឆ្នាំ ២០២២ នឹងមានតម្លៃចាប់ពី ២៥ ៧៩៥ ដុល្លារដោយមិនរាប់បញ្ចូលការដឹកជញ្ជូន ១ ១៩៥ ដុល្លារ។ តម្លៃបន្ថែមពេញលេញ និងប្រភេទនៃរថយន្ត នឹងប្រកាសនៅពេលក្រោយ។
