សម្រាប់រថយន្តចំហេះក្នុង រថយន្ត១គ្រឿងគឺមានគ្រឿងបង្គុំសាំញុំាច្រើនណាស់ ប៉ុន្តែជាទូទៅគេបែងចែកវាជាប្រព័ន្ធធំៗចំនួន១១ រួមមាន ប្រព័ន្ធម៉ាស៊ីន, ប្រព័ន្ធសាំង, ប្រព័ន្ធបញ្ចុះកម្តៅ, ប្រព័ន្ធភ្លើង, ប្រព័ន្ធបញ្ចេញផ្សែង, ប្រព័ន្ធហ្វ្រាំង, ប្រព័ន្ធចង្កូត, ប្រព័ន្ធជើងក្រោម, ប្រព័ន្ធប្រអប់លេខ ប្រព័ន្ធសាក់ស៊ី និងប្រព័ន្ធម៉ាស៊ីនត្រជាក់។
១. ប្រព័ន្ធម៉ាស៊ីន៖ ជាបេះដូងរថយន្ត ដែលបម្លែងសាំងទៅជាថាមពលមេកានិច ដើម្បីដំណើរការ។
២. ប្រព័ន្ធសាំង៖ វាមានតួនាទីបញ្ចូនសាំងចូលទៅក្នុងម៉ាស៊ីន។
៣. ប្រព័ន្ធបញ្ចុះកម្តៅ៖ វាមានតួនាទីទប់កម្តៅម៉ាស៊ីន មិនឲ្យឡើងហួសកម្រិត។
៤. ប្រព័ន្ធភ្លើង៖ ជាអ្នកផ្តល់ថាមពលគ្រប់គ្រឿងបង្គុំអេឡិចត្រូនិចទាំងអស់ ដោយរាប់ទាំង អាគុយ ឌីណាម៉ូ ប្រព័ន្ធ ECU និងប្រព័ន្ធបញ្ឆេះ។
៥. ប្រពន្ធបញ្ចេញផ្សែង៖ វាជាច្រក និងជាតម្រងច្រោះឧស្ម័នដែលបង្កើតឡើងដោយម៉ាស៊ីន រួចបញ្ចេញតាមបំពង់ស៊ឺមាំង និងជួយកាត់បន្ថយការលាន់សំឡេង។
៦. ប្រព័ន្ធហ្វ្រាំង៖ ជាប្រព័ន្ធសុវត្ថិភាពដែលបន្ថយល្បឿន និងបញ្ឈប់រថយន្ត។
៧. ប្រព័ន្ធចង្កូត៖ វាអនុញ្ញាតឲ្យអ្នកបើកបរអាចគ្រប់គ្រងផ្លាស់ប្តូរទិសដៅរថយន្ត។
៨. ប្រព័ន្ធជើងក្រោម ឬគ្រឿងក្រោម៖ មានតួនាទីក្នុងការធ្វើឲ្យកង់រថយន្តអាចប៉ះទៅនឹងផ្ទៃដីដោយមានលំនឹងល្អ និងការបើកបរដោយរលូន។
៩. ប្រព័ន្ធប្រអប់លេខ៖ វាជាអ្នកភ្ជាប់ថាមពលពីម៉ាស៊ីន ទៅកាន់កង់រថយន្ត និងអនុញ្ញាតឲ្យរថយន្តមានចលនាទៅមុខឬថយក្រោយ និងផ្លាស់ប្តូរល្បឿន។
១០. សាក់ស៊ី និងតួ៖ វាជាអ្នកផ្តល់គ្រោងរចនាសម្ព័ន្ធ និងគាំទ្រដល់ដល់គ្រឿងបង្គុំផ្សេងៗរបស់រថយន្ត។
១១. ប្រព័ន្ធម៉ាស៊ីនត្រជាក់៖ វាជាអ្នកផ្តល់ភាពត្រជាក់ សម្ងួតអ័ព្ទចេញពីកញ្ចក់រថយន្ត និងបន្សុទ្ធខ្យល់ក្នុងកាប៊ីន៕
