ក្រុមហ៊ុន Geely ចាប់ផ្ដើមការលក់រថយន្តអនឡាញ និងដឹកជញ្ជូនដល់កន្លែង

ផ្ទាំងផ្សាយពាណិជ្ជកម្ម

ក្រុមហ៊ុន​រថយន្ត Geely Auto របស់​ចិន ដែល​ជា​ក្រុមហ៊ុន​មេ​របស់​ Volvo Cars, Lotus និង London EV បាន​ចាប់​ផ្ដើម​ការ​លក់​រថយន្ត​នៅ​លើ​អនឡាញ ដែល​អាច​ឲ្យ​អតិថិជន​ធ្វើ​ការ​បញ្ជា​ទិញ និង​ដឹក​ជញ្ជូន​ដល់​គេហដ្ឋាន។

ក្រុមហ៊ុន​ក៏​មាន​ផ្ដល់​ជូន​​​ការ​អនុញ្ញាត​ឲ្យ​បើកបរ​រថយន្ត​សាក​ល្បង ដោយ​នឹង​បញ្ជូន​រថយន្ត​សម្រាប់​សាក​ល្បង (Demo) ដល់​ផ្ទះ​របស់​អតិថិជន​តែ​ម្ដង។ លើស​ពី​នេះ​ក្រុមហ៊ុន​ជួយ​ដល់​ការ​ចុះ​បញ្ជី​ផ្សេង និង​សេវា​​​ធានា​រ៉ាប់រង​នៅ​ក្នុង​ដំណើរ​ការ​នៃ​ទិញ​ផង​ដែរ ដែល​បង្កើត​ជា​​បទ​ពិសោធន៍​ទិញ​រថយន្ត​អនឡាញ​ប្រភេទ One-Stop ហើយ​អតិថិជន​ក៏​នឹង​អាច​ជ្រើស​រើស​​ភ្នាក់ងារ​ផ្ដល់​ប្រាក់​កម្ចី​ច្រើន​ប្រភេទ​តាម​រយៈ​ Platform ថ្មី​នេះ​បាន​​​ទៀត​ផង។

ផ្ទាំងផ្សាយពាណិជ្ជកម្ម

គួរ​ដឹង​ថា Geely Auto បាន​ដាក់​គោល​ដៅ​ក្នុង​ការ​ពង្រីក​សេវាកម្ម​នេះ ដោយ​ចង់​បញ្ចូល​នូវ​ការ​បម្រើ​សេវាកម្ម​ដល់​ផ្ទះ ដែល​ក្រុមហ៊ុន​នឹង​ប្រមូល​រថយន្ត​ដើម្បី​យក​មក​ធ្វើ​ការ​ថែទាំ រួច​ហើយ​បញ្ជូន​ត្រឡប់​ទៅ​ដល់​ផ្ទះ​អតិថិជន​វិញ។ សេវាកម្ម​នេះ ក្រុមហ៊ុន​និយាយ​ថា​នឹង​ផ្ដល់​ជូន​ក្នុង​ពេល​ឆាប់ៗ​ខាង​មុខ៕​

ផ្ទាំងផ្សាយពាណិជ្ជកម្ម