គូប្រជែង Tesla បំបែកកំណត់ត្រាថ្មី សាកភ្លើងម្តងជិះបាន ៨៣៦គីឡូម៉ែត្រ

រថយន្តអគ្គិសនី Lucid Air ថ្មី បំបែកកំណត់ត្រាថ្មី ដោយអាចធ្វើដំណើរបានចម្ងាយ ៥២០ម៉ាយ៍ ឬ ៨៣៦គីឡូម៉ែត្រ នៅពេលសាកភ្លើងពេញម្តង។ នេះបើយោងតាមការបង្ហាញពីទីភ្នាក់ងារ U.S. Environmental Protection Agency (EPA)។

រថយន្ត Lucid Air Dream Edition ថ្មី នឹងផ្តល់ជម្រើស ២ ម៉ូដែល គឺ Range មានចម្ងាយបើកបរដល់ ៨៣៦គីឡូម៉ែត្រ និង Performance មានចម្ងាយបើកបរដល់ ៧៥៨គីឡូម៉ែត្រ។

ពាណិជ្ជកម្ម

ក្រៅពីមានចម្ងាយបើកបរឆ្ងាយ រថយន្ត Lucid Air Dream Edition Range មានកម្លាំង ៩៣៣សេះ ខណៈ Lucid Air Dream Edition Performance មានកម្លាំងរហូតដល់ទៅ ១ ១១១សេះឯណោះ។

សូមបញ្ជាក់ថា រថយន្ត Lucid Air Dream Edition ម៉ូដែល Range នឹងមានតម្លៃចាប់ពី ១៣៩ ០០០ដុល្លារ នៅលើទីផ្សារសហរដ្ឋអាមេរិក។ ក្រុមហ៊ុន Lucid Air នឹងចាប់ផ្តើមដឹករថយន្តឲ្យទៅអតិថិជននៅចុងឆ្នាំនេះតែម្តង៕

Sponsored