[បរទេស] ក្រុមអ្នកឌីស្សាញរបស់ក្រុមហ៊ុន Toyota នៅសហរដ្ឋអាមេរិកដែលត្រូវបានគេស្គាល់ថាជា CALTY Design Research បានធ្វើការដាក់បង្ហាញចេញនៅគំរូរថយន្តថ្មី Toyota Baby Lunar Cruiser EV Concept ជាការប្រារព្ធខួបទី ៥០ ឆ្នាំរបស់ខ្លួន ។
គំរូរថយន្តនេះ ដោយបំផុសគំនិតដោយ Japanese Aerospace Exploration Agency ដោយក្រុមអ្នកឌីស្សាញ CALTY បានសម្រេចចិត្តផលិតគំរូរថយន្ត Baby Lunar Cruiser (BLC) ជាមួយគោលគំនិតនៃលំហអាកាស ។
សម្រាប់ការផលិតរថយន្តនេះឡើង ត្រូវបានបញ្ចូលគ្នានៅគំរូ Lunar Cruiser ជាមួយនឹងប្រវត្តិរបស់ម៉ាក CALTY និងបានរចនាដែលបំផុសគំនិតដោយ FJ40 Land Cruiser ដោយមានប៉ាណា ក្រឡាចត្រង្គនៅខាងមុខរថយន្ត Baby Lunar Cruiser និងអក្សរ “TOYOTA” ជាមួយញ្ចក់បែប Panoramic ព្រមទាំងបំពាក់នៅថាសកង់ប្រភេទអត់ប្រើខ្យល់ ជាមួយនឹងម៉ូទ័រអគ្គិសនីនៅក្នុងកង់ ក៏ដូចជាកាម៉េរា និងប្រព័ន្ធរ៉ាដាផងដែរ ។
ចំពោះនៅផ្នែខាងក្នុង ភ្ជាប់មកជាមួយកៅអីប្រភេទ spaceframe seat និងអេក្រង់ប្រភេទ M.O.L.L.E. ដែលអាចលៃតម្រូវនិងធ្វើការកែតម្រូវ ដើម្បីត្រៀមខ្លួនសម្រាប់ការផ្សងព្រេងជាដើម ៕
