[ចំណេះដឹងយានយន្ត] រថយន្តមួយត្រូវបានផលិតឡើងដែលមានផ្នែកខុសគ្នាជាច្រើន ដែលគ្រឿងបង្គុំនៅលើរថយន្តសរុបមានជាង ៤ម៉ឺនបំណែក ដោយខ្សែរពានត្រូវបានបង្កើតឡើងមួយក្នុងចំណោមនៃបំណែកទាំងនោះ។
ជាមួយសមាសធាតុផ្សេងៗគ្នាជាង ៤ម៉ឺនបំណែក គឺដើម្បីផ្តល់ភាពដំណើរការរលូន និងមិនមានគ្រោះថ្នាក់កើតឡើងចំពោះរថយន្ត។ នេះប្រហែលជាពិបាកប្រសិនបើអោយអ្នកស្វែងយល់ពីផ្នែកទាំងអស់នៃរថយន្ត ប៉ុន្តែមានផ្នែកមួយចំនួនដែលតម្រូវអោយអ្នកត្រូវតែដឹង នោះគឺខ្សែរពាន។ រថយន្តមួយមានខ្សែរពានខុសៗគ្នារួមមានខ្សែរពានប្រភេទអូសទាញ និង តម្រូវតង់ ដែលវាមានតួនាទីផ្សេងៗក្នុងពេលដំណើរការក្នុងរថយន្ត។
- ខ្សែរពានប្រភេទអូសទាញ (Drive Belt)
ត្រូវបានរកឃើញដំបូងដោយក្រុមហ៊ុន Gats Rubber នៅ Denver នៃសហរដ្ឋអាមេរិក ។ ខ្សែរពានបត់បែនឬអូសទាញមានមុខងារអូសទាញចលនាបង្វិលលើគ្រឿងបង្គុំដូចជា បូមទឹក ឌីណាម៉ូ កង្ហារធុងទឹក កុំប្រេស័រ បូមចង្កូតដោយស្វ័យប្រវត្តិ។ វាមានប្រវែងវែងដើម្បីប្រទាក់ពីផ្នែកមួយទៅផ្នែកមួយទៀត អោយប្រាដកថាម៉ាស៊ីនដំណើរការបានល្អ។ ខ្សែរពាននេះត្រូវផលិតឡើងពីជ័រស្វិតដែលប្រើប្រាស់បានយូរជាមួយផ្ទែរលោងនិងផ្ទែដែលមានធ្មេញពីញ៉ុងច្រើន។ ផ្ទៃសង់ខាងនៃខ្សែរពានមានមុខងាររៀងៗខ្លួន បើផ្នែកណាមួយនៃខ្សែរពានត្រូវបានខូច ធ្វើអោយកើតមានសំលេងក្នុងរថយន្ត។ ក្នុងករណីដែលខ្សែរពានបែក ឬរហែកធ្វើអោយម៉ាស៊ីនឡើងកំដៅ និងបូមចង្កូតមិនដំណើរការ។ដើម្បីជៀសវាងករណីទាំងនេះអ្នកត្រូវត្រួតពិនិត្យជាប្រចាំ។
- ខ្សែរពានប្រភេទតម្រូវតង់ (Timing Belt)
មុខងារចម្បងរបស់ខ្សែរពាននេះគឺភ្ជាប់ចលនាបង្វិលពីឡាបអាកាមនៅក្បាលគុយឡាស មក វីឡឺប្រឺកាំងនៅប្លុកស៊ីឡាំងដែលនៅលើខ្សែរពាននេះមានបំពាក់គម្លាតធ្មេញដើម្បីកំណត់រយៈពេលនៃការបិទបើករបស់ស៊ូប៉ាប់ខ្យល់និងស៊ូប៉ាប់ភ្លើង។ ដើម្បីធានាបាននូវដំណើរការល្អ ឡានរបស់អ្នកត្រូវផ្លាស់ប្តូរឬត្រួតពិនិត្យរៀងរាល់ ៤០០០០ម៉ាយ៍ ឬ ៣ឆ្នាំម្តង។
