[បរទេស] ក្រុមហ៊ុនផលិតថ្មអាគុយដ៏ធំរបស់ប្រទេសចិនមានឈ្មោះថា CATL បានធ្វើការដាក់បង្ហាញចេញនៅអាគុយសម្រាប់រថយន្តអគ្គិសនី EV ថ្មី ប្រភេទ Sodium-Ion EV Battery ជំនាន់ទី ២ នៅក្នុងប្រទេសចិន គ្រោងនឹងចូលផលិតកម្មដ៏ធំនៅក្នុងឆ្នាំ ២០២៧ ។
សម្រាប់តួនាទីរបស់ Sodium-Ion EV Battery គឺស្រដៀងទៅនឹងអាគុយប្រភេទអ៉ីយ៉ុងលីចូម ដែលអ៉ីយ៉ុងផ្ទុកបន្ទុកធ្វើដំណើររវាងអេឡិចត្រូតវិជ្ជមាន និងអវិជ្ជមាន ក្នុងអំឡុងពេលវដ្តនៃការសាក និងការបញ្ចេញ។ លើសពីនេះ អាគុយនេះត្រូវបានធ្វើតេស្តបំពាក់នៅលើរថយន្តអគ្គិសនីសុទ្ធ EV ទៅលើម៉ូដែលមួយចំនួនរួចមកហើល ដែលអាចផ្តល់ឲ្យរថយន្តបើកបរបាននៅក្នុងអាកាសធាតុត្រជាក់ខ្លាំងរហូតដល់ -៤០ អង្សាសេ ព្រមទាំងមានហានិភ័យតិចបំផុតនៅពេលបើកបរក្នុងអាកាសធាតុក្តៅ ។
ជាមួយគ្នានេះ លោក Wu Kai ប្រធានអ្នកវិទ្យាសាស្ត្រក្រុមហ៊ុន CATL បាននិយាយថា ថ្មអាគុយ Sodium-Ion EV Battery ជំនាន់ទី ២ អាចដំណើរការបានជាធម្មតាសូម្បីតែនៅសីតុណ្ហភាព -៤០ អង្សារសេ ដែលមានន័យថារថយន្តអគ្គិសនីសុទ្ធ EVs ដែលបំពាក់ថ្មបែបនេះនឹងមិនបាត់បង់ចម្ងាយនៃបើកបរនោះទេ ៕
