![](https://camboauto.com/wp-content/uploads/2019/07/1935_Toyoda_Model_G1_Truck_01-696x435.jpg)
បើនិយាយពីក្រុមហ៊ុនតូយ៉ូតា អ្នកណាៗក៏ស្គាល់ដែរ ដោយសារតែគុណភាពនៃការប្រើប្រាស់មានភាពរឹងមាំ ធន់ ប្រើប្រាស់បានយូរអង្វែង យ៉ាងណាក៏ដោយ នៅពីក្រោយភាពជោគជ័យនៃការបង្កើតរថយន្តទីមួយ និងដំបូងគេនោះមានរឿងរាវជាច្រើនផងដែរ។ នៅក្នុងឆ្នាំ ១៩២៤ លោក សាគីឈី តូយ៉ូដា (Sakichi Toyoda) បានធ្វើការបង្កើតម៉ាស៊ីនតំបាញ ស្វ័យប្រវត្តិដំបូងគេបំផុតដែលមានឈ្មោះថា Toyoda Model G។ ប្រើប្រាស់មូលដ្ឋានគ្រឺះ Jidoka ដោយមា៉ស៊ីននោះនឹងធ្វើកាបញ្ឈប់ដោយស្វ័យប្រវត្តិនៅពេលមានបញ្ហាអ្វីមួយកើតឡើង ហើយក្រោយមកវាក៏បានក្លាយទៅជា ផ្នែកមួយនៃចង្វាក់ផលិតកម្មផលិតរបស់តូយ៉ូតា។ ម៉ាស៊ីនតំបាញ ត្រូវបានផលិតក្នុងចង្វាក់ផលិតកម្មតូចមួយ។ នៅក្នុងឆ្នាំ ១៩២៩ អាញ្ញាប័ណ្ណរបស់ម៉ាស៊ីនតំបាញ ត្រូវបានលក់ទៅអោយក្រុមហ៊ុនអង់គ្លេសមួយឈ្មោះថា Platt Brothers ដោយនៅពេលនោះហើយដែលតូយ៉ូតា ចាប់ផ្តើមមានដើមទុនសម្រាប់ផលិតរថយន្ត។
![](https://upload.wikimedia.org/wikipedia/commons/6/68/Toyota_Loom_Mass_Production_Bertel_Schmitt.jpg)
ការផលិតរថយន្ដតូយ៉ូតាត្រូវបានចាប់ផ្តើមនៅឆ្នាំ ១៩៣៣ ជាការបែងចែកនៃ Toyoda Automatic Loom ធ្វើការដោយយកចិត្តទុកដាក់ក្នុងការផលិតរថយន្ត ក្រោមការដឹកនាំរបស់កូនប្រុសស្ថាបនិក គីឈីរ៉ូ តូយ៉ូដា (Kiichiro Toyoda)។ រថយន្តដំបូងពេលនោះគឺរថយន្តដឹកអ្នកដំណើរ A1 និងរថយន្តដឹកទំនិញធុនធំ G1 ក្នុងឆ្នាំ ១៩៣៥ ។ ក្រុមហ៊ុន តូយ៉ូតាម៉ូទ័រត្រូវបានបង្កើតឡើងជាក្រុមហ៊ុនឯករាជ្យមួយ នៅឆ្នាំ ១៩៣៧ រថយន្តត្រូវបានលក់ដំបូងក្រោមឈ្មោះ តូយ៉ូដា (Toyoda) ពីឈ្មោះគ្រួសាររបស់ស្ថាបនិកក្រុមហ៊ុន គីឈីរ៉ូ តូយ៉ូដា (Kiichiro Toyoda)។ នៅខែមេសាឆ្នាំ ១៩៣៦ រថយន្ដដឹកអ្នកដំណើរដំបូងរបស់តូយ៉ូដា Model AA ត្រូវបានផលិតដោយជោគជ័យ ដោយដាក់លក់តម្លៃ ៣,៣៥០ យ៉េន (ប្រហែល ៣១ដុល្លារ សម័យនោះ)ដែលមានតម្លៃថោកជាងរថយន្ត Ford និង GM ៤០០ យ៉េន។
![](https://upload.wikimedia.org/wikipedia/commons/b/b8/1935_Toyoda_Model_G1_Truck_01.jpg)
នៅខែកញ្ញាឆ្នាំ ១៩៣៦ ក្រុមហ៊ុនបានរៀបចំការប្រកួតប្រជែងជាសាធារណៈដើម្បីរចនា ផ្លាកសញ្ញាថ្មីមួយ។ ក្នុងចំនោមអ្នកចូលរួមចំនួន ២៧,០០០ អ្នកឈ្នះបានទៅលើការផ្តើមដោយពាក្យ ៣ម៉ាត់តាមភាសាជប៉ុន បែបកាតាកាណា “TOYODA” ជារង្វង់មួយ។ លោក រីហ្សាប៉ូរ៉ូ តូយ៉ូដា ដែលជាកូនប្រសារបានរៀបការចូលមកក្នុងគ្រួសារ បានធ្វើការផ្លាស់ប្តូរ ដោយខ្លួនពេញចិត្តនឹងពាក្យ “TOYOTA” ដែលវាតំណាងអោយលេខនាំសំណាង ដើម្បីសរសេរជាភាសាជប៉ុន។
ចាប់តាំងពីអក្សររបស់ TOYODA ដែលមានន័យថា “ដីស្រីដែលមានជីវជាតិ” ត្រូវបានផ្លាស់ប្តូរចេញដើម្បីកុំអោយមានការពាក់ព័ន្ធនឹងទៅនឹងការរចនា ចាស់គំរឹលបែបស្រែចម្ការ។ ឈ្មោះថ្មីនោះត្រូវបានចុះបញ្ជើរពាណិជ្ជកម្ម ដោយក្រុមហ៊ុនបានធ្វើការចុះឈ្មោះទៅជា ក្រុមហ៊ុនតូយ៉ូតា ម៉ូទ័រ នៅខែសីហា ឆ្នាំ១៩៣៧។
![](https://upload.wikimedia.org/wikipedia/commons/6/6e/Toyoda_Standard_Sedan_AA_1936_Bertel_Schmitt.jpg)