ហាងលក់រថយន្តឈ្មោះ Al-Futaim Toyota ដែលជាហាងលក់មួយនៅសហភាពអារ៉ាប់រួម បានដាក់តាំងបង្ហាញរថយន្ត Toyota Land Cruiser 300 មួយគ្រឿងដែលផ្គុំឡើងពីដុំផ្គុំ Lego សរុបជាង ៤៤ម៉ឺនគ្រាប់។
រថយន្តផ្គុំនេះបានដាក់តាំងបង្ហាញនៅក្បែររថយន្តពិត នៅក្នុងផ្សារទំនើប Dubai Mall រហូតដល់ថ្ងៃទី១៥ ខែធ្នូ ដោយរថយន្តផ្គុំនេះបានផ្គុំឡើងយ៉ាងផ្ចិតផ្ចង់មើលទៅមានទម្រង់ដូចជារថយន្តពិតយ៉ាងខ្លាំងតែម្ដង ហើយទំហំរបស់វាក៏ដូចគ្នាទៅនឹងរថយន្តពិតផងដែរ។
ផ្ទាំងផ្សាយពាណិជ្ជកម្ម
គម្រោងការរថយន្តផ្គុំនេះបានចំណាយដុំ Lego សរុបជាង ៤៤ម៉ឺនគ្រាប់ ដែលមានទម្ងន់សរុបជាង ២០០០គីឡូក្រាម មិនចាញ់ទម្ងន់រថយន្តពិតប៉ុន្មានឡើយ។ ដុំ Lego ត្រូវបានផ្គុំដោយក្រុមការងារដែលមានសមាជិក១២នាក់ និងបានចំណាយពេលសរុប ២៦៨៨ម៉ោងក្នុងការសម្រេចវាឡើង។
ទស្សនាវីដេអូដូចខាងក្រោមនេះ ៖
ផ្ទាំងផ្សាយពាណិជ្ជកម្ម
