![toyo](https://camboauto.com/wp-content/uploads/2020/02/toyo-696x392.png)
ម៉ាស៊ីន AMG Mercedes-Benz M156 គឺជាប្រព័ន្ធម៉ាស៊ីនដ៏មានសមត្ថភាពខ្លាំងក្លាមួយរបស់ក្រុមហ៊ុនអាល្លឺម៉ង់ ហើយពេលនេះត្រូវបានក្រុមហ៊ុនមួយនៅអាហ្វ្រិកខាងត្បូង ច្នៃវាដាក់លើរថយន្ត Toyota Hilux។
ម៉ាស៊ីន AMG Mercedes-Benz M156 នេះគឺមានចំណុះ ៦,២ លីត្រ ៨ ស៊ីឡាំង ដែលអាចបង្កើតកម្លាំងបាន ៦២២ សេះ ឯណោះ។ ក្រៅពីមានកម្លាំងខ្លាំងហើយ ម៉ាស៊ីន ៦,២ លីត្រនេះ ក៏បញ្ចេញសំឡេងបានលាន់រងំ ធ្វើឲ្យ Hilux នេះ ជា Hilux ប្លែកដាច់គេមួយ។
ក្រុមហ៊ុនដែលធ្វើការផ្លាស់ប្ដូរម៉ាស៊ីនលើរថយន្ត Hilux នេះ គេមិនបានដឹងច្បាស់នោះឡើយ ប៉ុន្តែលទ្ធផលគឺអស្ចារ្យបំផុត។ ស្ដាប់ពីខាងក្នុងគឺដូចជារថយន្ត C63 AMG អ៊ីចឹងដែរ ប៉ុន្តែនៅពីចម្ងាយវិញគឺដូចជា Hilux ដែលមានកែច្នៃរូបរាងពិសេស៕