មកដឹងចំនួនអ្នកកុម្ម៉ង់ទិញឡានភីកអាប់អគ្គិសនី Cybertruck នាពេលនេះ ច្រើនមិនធម្មតា!

បើ​ផ្អែក​តាម​ការ​វិភាគ​លើ​ទិន្នន័យ​ដែល​ធ្វើ​ឡើង​ដោយ​ Cybertruck Owners Club បាន​ប៉ាន់​ស្មាន​អំពី​តួ​លេខ​ចុង​ក្រោយ​​នៃ​ចំនួន​​កុម្ម៉ង់​ទិញ​រថយន្ត Cybertruck ដែល​មាន​ប្រមាណ​ ៥៣២ ០០០ គ្រឿង គិត​ត្រឹម​ថ្ងៃ​ទី ១៨ កុម្ភៈ​នេះ។

តួ​លេខ​នេះ​គឺ​មាន​ការ​កើន​ឡើង​ទ្វេ​ដង​បើ​ប្រៀប​នឹង​ថ្ងៃ​ទី ២៦ ខែ​វិច្ឆិកា ដែល​ពេល​នោះ​លោក Elon Musk ប្រាប់​ថា​ចំនួន​កុម្ម៉ង់​ទិញ​មាន​ ២៥០ ០០០ គ្រឿង។ ប្រសិន​បើ​តួ​លេខ​នេះ​ពិត​មែន មាន​ន័យ​ថា​ក្នុង​មួយ​ថ្ងៃ​មាន​ការ​កុម្ម៉ង់​ទិញ Cybertruck ប្រមាណ​ ៣៣៥០ គ្រឿង ដែល​នេះ​មាន​ន័យ​ថា​ Tesla រក​បាន​ ៣៣៥ ០០០ ដុល្លារ ក្នុង​មួយ​ថ្ងៃ​ពី​ថ្លៃ​កក់​រថយន្ត។

ពាណិជ្ជកម្ម

តួលេខ​នេះ​ចាត់​ទុក​ថា​អស្ចារ្យ​ខ្លាំង ព្រោះ​អតិថិជន​ទាំង​នេះ​មិន​ធ្លាប់​ប្រើ​ប្រាស់​រថយន្ត​ភីកអាប់​អគ្គិសនី​ពី​មុន​មក​ហើយ ហើយ​មាន​ភាគ​ច្រើន​គឺ​មិន​ធ្លាប់​ទាំង​បាន​ឃើញ​រូបរាង​វា​ផ្ទាល់​ភ្នែក​ផង៕

Sponsored