ក្រុមហ៊ុន Toyota បានប្រកាសចេញរថយន្តប្រើអ៊ីដ្រូហ្សែន Mirai ស៊េរីឆ្នាំ២០២១ ជាផ្លូវការរបស់ខ្លួន នៅលើទីផ្សារអឺរ៉ុប បន្ទាប់ពីប្រកាសចេញលក់ នៅលើទីផ្សារសហរដ្ឋអាមេរិក ក្នុងតម្លៃចាប់ពី ៤៩ ៥០០ដុល្លារ។
Toyota Mirai ឆ្នាំ២០២១ ទទួលបានការអាប់ដេតច្រើន បើប្រៀបធៀបទៅនឹងស៊េរីមុន ដោយលើកនេះមានបំពាក់ចង្កៀង LED និងយ៉ាន់ ១៩អ៊ីញមកស្តង់ដារ។ ជាមួយគ្នានេះដែរ វាក៏បំពាក់កុងទ័រឌីជីថល ៨អ៊ីញ និងអេក្រង់កម្សាន្ត ១២,៣អ៊ីញ អាចភ្ជាប់មុខងារ Android Auto, Apple CarPlay និង Amazon Alexa ព្រមទាំងប្រព័ន្ធសំឡេង JBL ១៤គ្រាប់ទៀតផង។
បើនិយាយពីសុវត្ថិភាពវិញ Mirai ឆ្នាំ២០២១ មានបំពាក់មុខងារដូចជា auto high beam headlights, blind spot monitor with rear cross-traffic alert, pre-collision system with pedestrian detection, lane departure alert with steering assist, road sign assist, lane tracing assist និង full-speed range dynamic radar cruise control។
រថយន្តនេះមានកម្លាំង ១៨០សេះ អាចរត់ស្ទុះពីកុងទ័រ ០-១០០គីឡូម៉ែត្រក្នុងមួយម៉ោង ប្រើពេល ៩,២វិនាទី ហើយអាចបើកបរបានចម្ងាយ ៦៤៧គីឡូម៉ែត្រ នៅពេលចាក់អ៊ីដ្រូហ្សែនមួយពេញ៕
