[ទីផ្សារបរទេស] ថ្មីៗនេះក្រុមហ៊ុន Hero Electric ដែលជាក្រុមហ៊ុនផលិតម៉ូតូអគ្គិសនីរបស់ឥណ្ឌាដែលឈានមុខគេបានធ្វើការបញ្ចេញនូវម៉ូឌែលថ្មី Hero Eddy ជាមួយការសាកភ្លើងពេញម្តងអាចជិះបានចម្ងាយ ៨៥ គីទ្បូម៉ែត្រ ។
ម៉ូតូ Hero Eddy ទទួលបានការឌីហ្សាញរាងការរ៉េជាមួយនឹងការបំពាក់ចង្កៀងមុខ-ក្រោយ ប្រភេទ LED, កុងទ័រឌីជីថល LCD ដែលអាចភ្ជាប់ជាមួយនឹងទូរស័ព្ទ និងកំណត់ទីតាំងបាន។ បន្ថែមពីនេះវាក៏មានរន្ធសាក USB ងាយស្រួលសម្រាប់អ្នកប្រើប្រាស់ដើម្បីសាកថ្មទូរស័ព្ទពេលចាំបាច់ផងដែរ។
ផ្ទាំងផ្សាយពាណិជ្ជកម្ម
ចំពោះផ្នែកថាមពលនៃម៉ូតូ Hero Eddy ត្រូវបានបំពាក់នូវម៉ូទ័រអគ្គិសនី ២៥០ W ដែលមានល្បឿនអតិបរមា ២៥គីទ្បូម៉ែត្រក្នុងរយៈពេល ១ ម៉ោង។ ខណៈដែលថាមពលអាគុយមានទំហំ ៥១,១ វ៉ាត ជាមួយការសាកភ្លើងពេញម្តង អាចជិះបានចម្ងាយ ៨៥ គីទ្បូម៉ែត្រ និងសាកភ្លើងពេញម្តងចំណាយពេលប្រហែល ៤ ទៅ ៥ ម៉ោងតែប៉ុណ្ណោះ៕
ផ្ទាំងផ្សាយពាណិជ្ជកម្ម
