ពាក្យចចាមអារាមថ្មីមួយបានលេចចេញពីប្រទេសអូស្រ្តាលី ដោយអះអាងថា រថយន្ត Lexus GS អាចវិលត្រលប់មកវិញ ជាមួយនឹងការប្រើប្រាស់ថាមពលអ៊ីដ្រូហ្សែនជំនាន់ថ្មី ស្រដៀងទៅនឹងរថយន្ត Toyota Mirai ដែរ។
គេហទំព័រ Drive.com បានរាយការណ៍ពីផែនទីផលិតផលរបស់ក្រុមហ៊ុន Lexus ដែលបានបែកធ្លាយ ប៉ុន្តែក្រោយមកត្រូវបានគេលុបចេញវិញ ដោយបង្ហាញឲ្យឃើញពី រថយន្ត Lexus GS ប្រើអ៊ីដ្រូហ្សែន។
ផ្ទាំងផ្សាយពាណិជ្ជកម្ម
គួររំលឹកឲ្យដឹងដែរថា កាលពីពេលថ្មីៗកន្លងទៅនេះ ក្រុមហ៊ុន Lexus បានសម្រេចចិត្តឈប់ផលិតរថយន្ត GS ដើម្បីមកផ្តោតលើរថយន្ត SUV និងម៉ូដែល ES វិញ។
ទោះជាយ៉ាងណាក៏ដោយ ក្រុមហ៊ុន Lexus មិនបានធ្វើការអត្ថាធិប្បាយចំពោះពាក្យចចាមអារ៉ាមខាងលើឡើយ ហើយក៏មិនទាន់មានព័ត៌មានផ្លូវការណាមួយដែលថា Lexus នាំយក GS មកវិញដែរ ដូច្នេះមានតែរង់ចាំមើលបន្តទៀតតែប៉ុណ្ណោះ៕
ផ្ទាំងផ្សាយពាណិជ្ជកម្ម
