កាលពីពេលកន្លងទៅ ក្រុមហ៊ុន Ram បានធ្វើការអបអរសាទខួបទី ៧៥ឆ្នាំនៃរថយន្ត Ram 2500 Power Wagon ជាមួយម៉ូឌែលពិសេស Ram 2500 Power Wagon 75th Anniversary Edition ២០២១ ដែលទទួលបានគ្រឿងបរិក្ខាពិសេសៗ និងបច្ចេកវិទ្យាជាច្រើនបន្ថែម ក្នុងគោលបំណងឆ្លើយតបនូវតម្រូវការរបស់អតិថិជនជាច្រើន។ បន្ទាប់ពីទទួលបានការគាំទ្រយ៉ាងច្រើនលើម៉ូឌែលពិសេស ឆ្នាំ២០២១ ក្រុមហ៊ុន Ram ក៏បានសម្រេចចិត្តបន្តការផ្តល់នូវកញ្ចប់ Package ថ្មីបន្ថែមដល់ម៉ូឌែលឆ្នាំ ២០២២ ដោយកញ្ចប់នោះឈ្មោះថា Level 3 Package។
ដូចគ្នានឹងម៉ូឌែលពិសេស 75th Anniversary Edition កញ្ចប់ Option កម្រិត ៣ (Level 3 Package) បានជួយតុបតែងខ្លួនអោយរថយន្ត Ram 2500 Power Wagon ឆ្នាំ ២០២២ នេះកាន់តែប្រសើឡើង និងកាន់តែអំណាចខ្លាំងជាងមុនបន្ថែមទៀត។ កញ្ចប់ Option កម្រិត ៣ បានភ្ជាប់មកនូវជម្រើស Option រួមមាន៖
ផ្នែកខាងក្រៅ
- កញ្ចក់សងខាងជំហៀងសង ដំណើការដោយថាមពលអគ្គិសនី និងភ្ជាប់ជាមួយអង្គចង់ចាំ(Memory)
- ចង្កៀងខាងមុខប្រភេទ High Beam LED ឡើងចុះដោយស្វ័យប្រវត្តិ
- ដៃទ្វា ពណ៌ដូចពណ៌តួរខ្លួនរថយន្ត
- ភ្លើង Reverse Lamps ខាងក្រោយ
- ប៉ាណាខាងមុខ ភ្ជាប់ជាមួយរបា Jaibar
ផ្នែកខាងក្នុង
- កៅអីផ្នែកខាងមុខ បញ្ជាបាន ៨ទិសដៅ រួមជាមួយមុខងារកម្តៅ និងបាញ់ខ្យល់ចេញ-ចូល
- កៅអីអ្នកដំណើ អាចបញ្ជាបាន ២ទិសដៅ រួមជាមួយមុខងារកម្តៅ
- ដៃចង្កូតមានមុខងារកម្តៅ
- ឈ្នាន់ជាន់ អាចបញ្ជាដោយប្រព័ន្ធអេឡិចត្រូនិច និងភ្ជាប់ជាមួយអង្គចង់ចាំ(Memnory)
- អេក្រង់កម្សាន្តទំហំ ១២អ៊ីញ
- ឧបករណ៍តន្រ្តី Harman Kardon ចំនួន ១៧គ្រាប់
- រន្ធសាកថ្ម A/C កម្លាំង ១១៥វ៉ុល និង ៤០០វ៉ាត់
- HD Radio
រថយន្ត Ram 2500 Power Wagon ឆ្នាំ២០២២ ដំណើការដោយម៉ាស៊ីនចំណុះ ៦,៤លីត្រ V8 មានកម្លាំង ៤១០សេះ ភ្ជាប់ជាមួយប្រអប់លេខ ៨វគ្គអូតូ និងភ្ជាប់មកជាមួយប្រព័ន្ធ Lock Differential ខាងមុខ និងខាងក្រោយ ជួយអោយរថយន្តមិនងាយជាប់គាំងពេលបើកបរផ្លូវលំបាក Off-road។ សម្រាប់តម្លៃនៃកញ្ចប់ Option កម្រិត ៣ (Level 3 Package) ក្រុមហ៊ុន Ram ពុំទាន់បញ្ចេញនៅឡើយនោះទេ៕
