សម្ព័ន្ធ Volkswagen ចេញមកបញ្ជាក់ដំណឹងថាចង់លក់ម៉ាករថយន្ត Lamborghini

ពាក្យ​ចចាមអារ៉ាម​បាន​រសាត់​អណ្ដែង​ឡើង​ ដែល​និយាយ​ថា​ Volkswagen Group មាន​គម្រោង​ថា​ចង់​លក់​ម៉ាក​រថយន្ត​ Lamborghini ចេញ ដូច​នឹង​​រឿង​​ដែល​ FCA លក់​ Ferrari អ៊ីចឹង​ដែរ នោះ​គឺ​ផ្ដាច់​ម៉ាក​រថយន្ត​នេះ​ចេញ VW Group និង​លក់​ហ៊ុន​ជា​សាធារណៈ។

ប៉ុន្តែ​បន្ទាប់​ពី​លេច​​ធ្លាយ​ដំណឹង​នេះ VW បាន​ចេញ​មុខ​បញ្ជាក់ ដើម្បី​ឲ្យ​ពាក្យ​ចចាមអារ៉ាម​ស្ងប់​ស្ងាត់​ទៅ​វិញ។ Volkswagen បាន​បញ្ជាក់​ថា ៖ “គ្មាន​ផែន​ការ​​ថា​លក់ Lamborghini ឬ​ភាគ​ហ៊ុន​ជា​សាធារណៈ​នោះ​ទេ។”

ពាណិជ្ជកម្ម

ដូច​នេះ Lamborghini នៅ​តែ​ត្រូវ​ស្ថិត​នៅ​ក្រោម​ដំបូល​របស់ VW ដដែល។ ប៉ុន្តែ​មាន​ម៉ាក​​ដទៃ​ទៀត​អាច​នឹង​រសាត់​ចេញ​ពី VW ដែល​ក្នុង​នោះ​អាច​ជា​ Ducati ឬ Bentley ក៏​ថា​បាន ដែល​ម៉ាក​ទាំង​ពីរ​កំពុង​មាន​ចំនួន​លក់​ដុន​ដាប​បើ​ធៀប​នឹង Lamborghini និង Bugatti ដែល​ស្ថិត​ក្រោម​ដំបូល​តែ​មួយ​ជា​មួយ​គ្នា៕​​

Sponsored