[បរទេស] ក្រុមហ៊ុនផលិតរថយន្ត BYD បានធ្វើការដាក់ដំណើរនៅរថយន្ត BYD BD11 ប្រភេទរថយន្តក្រុង ២ជាន់ប្រើប្រាស់ថាមពលអគ្គិសនីសុទ្ធ សម្រាប់ប្រើប្រាស់នៅទីក្រុងឡុងដ៍ នឹងអាចជំនួសរថយន្តក្រុង Routemaster ដ៏ល្បីល្បាញរបស់ទីក្រុងឡុងដ៍ ប្រភេទ Hybrid នៅចុងឆ្នាំ ២០២៤ នេះ ។
BYD BD11 បំពាក់អាគុយប្រភេទ BYD Blade battery ទំហំដល់ទៅ ៥៣២ គីឡូវ៉ាត់ម៉ោង ដែលអាចបើកបរបានចម្ងាយ ៦៤៤ គីឡូម៉ែត្រនៅពេលសាកថ្មពេញម្តង គាំទ្រដោយការសាកថ្មល្បឿនលឿន 500-volt charging ដែលអាចដោតខ្សែសាក ២ ក្នុងពេលតែមួយ ។
BYD BD11 ត្រូវបានអភិវឌ្ឍឡើងជាពិសេសសម្រាប់ទីក្រុងរបស់ចក្រភពអង់គ្លេស ដោយប្រើម៉ូទ័រអគ្គិសនី hub ចំនួន ៤ ជាមួយប្រព័ន្ធ active suspension ផ្តល់នៅសុវត្ថិភាពអ្នកដំណើរតាមរយៈការប្រើប្រាស់មុខងារជំនួយអ្នកបើកបរ ដូចជាប្រព័ន្ធចាប់ហ្វ្រាំងបន្ទាន់ដោយស្វ័យប្រវត្តិ។
ក្នុងនោះ រថយន្តក្រុងរបស់ BYD eBuses ចំនួន ១ ៨០០ គ្រឿងដែលកំពុងដំណើរការនៅលើផ្លូវនៅចក្រភពអង់គ្លេសអាចកាត់បន្ថយការបំភាយឧស្ម័ន CO2 ចំនួនដល់ទៅ ១៣៧ លានតោន ៕
