ឡានអគ្គិសនី BMW i6 ថ្មី សាកភ្លើងម្តងជិះបាន ៧០០គ.ម៉ នឹងបង្ហាញខ្លួន!

BMW មានគម្រោងបញ្ចេញលក់រថយន្តអគ្គិសនីជាច្រើនម៉ូដែលនាពេលអនាគត ក្នុងនោះរួមទាំង រថយន្ត iX3 ក្នុងឆ្នាំ២០២០ ក៏ដូចជា iNEXT និង i4 នៅឆ្នាំ២០២១ ផងដែរ។

មិនតែប៉ុណ្ណោះ បើយោងតាមប្រភពព័ត៌មានបានឲ្យដឹងថា រថយន្ត BMW i6 នឹងបង្ហាញខ្លួននៅក្នុងឆ្នាំ២០២៤ ដើម្បីប្រជែងនឹងរថយន្ត Audi e-tron GT, Mercedes-Benz EQS និង Porsche Taycan។

ពាណិជ្ជកម្ម

រថយន្ត BMW i6 នឹងមានការឌីហ្សាញកាត់តាមរថយន្ត BMW 8 Series Gran Coupe ហើយនឹងប្រើប្រាស់ទ្វារ៤ ទៀតផង។ វានឹងមានជម្រើសកម្លាំង ២០១សេះ, ៣៣៥សេះ និង ៥៣៦សេះ។

បើតាមពាក្យចចាមអារ៉ាមកន្លងមក i6 នឹងបំពាក់អាគុយកម្លាំង ៩០គីឡូវ៉ាត់ម៉ោង ដែលផ្តល់ចម្ងាយបើកបរ ៥៦០គីឡូម៉ែត្រ និង អាគុយកម្លាំង ១២០គីឡូវ៉ាត់ម៉ោង អាចបើកបានចម្ងាយ ៧០០គីឡូម៉ែត្រឯណោះ៕

Sponsored