បន្ទាប់ពីប្រកាសចេញនៅក្នុងមេសា ពេលនេះ ក្រុមហ៊ុន Li Auto បានប្រកាសឲដឹងហើយថា រថយន្តអគ្គិសនី Li Auto i8 របស់ពួកគេនឹងប្រកាសចេញលក់ជាផ្លូវការនៅចុងខែកក្កដា ខាងមុខនេះហើយ ជាមួយតម្លៃលក់ចាប់ពី ៥៤ ៤០០ ដុល្លារ នៅក្នុងទីផ្សារប្រទេសចិន។
Li Auto i8 មានប្រវែងតួខ្លួនសរុប ៥ ០៨៥ ម.ម ទទឹង ១ ៩៦០ ម.ម កម្ពស់ ១ ៧៤០ម.ម និងប្រវែងគម្លាតកង់មុខ-ក្រោយ ៣ ០៥០ ម.ម ដំណើរដោយម៉ូទ័រអគ្គិសនីចំនួន ២ ប៉ុង ២ (AWD) អាចផលិតកម្លាំងសរុបបាន ៥៣៦សេះ មានល្បឿនអតិបរមារ ១៨០គីឡូម៉ែត្រក្នុងមួយម៉ោង ផ្គួបជាមួយជម្រើសអាគុយ NMC ទំហំ ៩០,១ និង ៩៧,៨គីឡូវ៉ាត់ម៉ោង អាចបើកបរបានចម្ងាយ ៦៧០ និង ៧២០គីឡូម៉ែត្រ នៅពេលសាកថ្មពេញម្តង។
ចំពោះផ្នែកខាងក្នុងវិញ គឺមានការរចនាស្រដៀងគ្នាទៅនឹងរថយន្តម៉ាក Li ផ្សេងទៀតដែរ ប៉ុន្តែទទួលបាននូវអេក្រង់ចំនួន ២ ទំហំ ១៥,៧ អុីញ ហើយមិនមានកុងទ័របង្ហាញព័ត៌មានទេ ប៉ុន្តែជំនួសមកវិញដោយអេក្រង់បង្ហាញលើកញ្ចក់ Head-up display ក៏ដូចជាកន្លែងសាកថ្មឥតខ្សែចំនួន ២ និងកន្លែងដាក់កែវមួយគូជាដើម៕
