ឡាន ៦ ម៉ូដែលនេះនឹងឈប់ផលិតចាប់ពីឆ្នាំ ២០២០

រថយន្ត​ចំនួន ៦ ម៉ូដែល​នឹង​ត្រូវ​ក្រុមហ៊ុន​បញ្ឈប់​ការ​ផលិត​ចាប់​ពី​ឆ្នាំ ២០២០ ដោយ​ភាគ​ច្រើន​​មក​ពី​ចំនួន​លក់​រថយន្ត​មាន​តិច​តួច។

Smart ForTwo (១៩៩៨-២០១៩)

ពាណិជ្ជកម្ម

រថយន្ត​នេះ​មាន​ភាព​ប្លែក​ពី​គេ​ដោយ​សារ​ពេល​ចេញ​ដំបូង​ វា​គឺ​ជា​រថយន្ត​ដែល​មាន​ទំហំ​តូច​ជាង​គេ បើ​ធៀប​នឹង​រថយន្ត​ម៉ូដែល​ផ្សេងៗ​ទៀត។ យ៉ាងណាក្ដី​ក្រុមហ៊ុន​មេ​របស់ Smart គឺ Mercedes នឹង​បញ្ឈប់​ផលិត​រថយន្ត​តូច​នេះ ដោយ​សារ​មាន​ផែនការ​សម្រាប់​រថយន្ត A-Class ថ្មី និង​រថយន្ត​អគ្គិសនី​ខ្នាត​តូច​នា​ពេល​ខាង​មុខ។

Volkswagen Golf R (២០១២-២០១៩)

Golf R បង្ហាញ​មុខ​នៅ​ឆ្នាំ ២០១២ ដែល​មាន​បំពាក់​ម៉ាស៊ីន ២ លីត្រ ៤ ស៊ីឡាំង ផលិត​កម្លាំង​បាន ២៥៦ សេះ មាន​​កម្លាំង​ខ្លាំង​អាច​ឈ្នះ​ Golf GTi ដែល​ជា​បង​ប្អូន​របស់​វា។ យ៉ាងណាក្ដី Golf GTi ត្រូវ​បាន​ចាប់​អារម្មណ៍​ច្រើន​ជាង​ Golf R ដោយ​សារ​បទ​ពិសោធន៍​នៃ​ការ​បើកបរ។ ដោយ​សារ​ប្រជាប្រិយភាព Golf GTi ធ្វើ​​ឲ្យ​ចំនួន​លក់​របស់ Golf R ថយ​ចុះ ហេតុ​នេះ​ទើប​ Volkswagen សម្រេច​ចិត្ត​ថា​ឈប់​ផលិត។ វា​នឹង​ត្រូវ​ជំនួស​ដោយ​ Golf R ដែល​ប្រើ​ប្រាស់​​អគ្គិសនី​សុទ្ធ។

Chevrolet Corvette C7 (២០១៤-២០១៩)

ចាប់​តាំង​ពី​ចេញ​លក់​នៅ​ឆ្នាំ ២០១៤ រថយន្ត​នេះ​បាន​ជួយ​ឲ្យ​រថយន្ត​អាមេរិក​នាំ​មុខ​គូ​ប្រជែង​លើ​ទីផ្សារ​អឺរ៉ុប។ វា​នឹង​ជា​រថយន្ត​ Corvette ចុង​ក្រោយ​គេ​ដែល​ដាក់​ម៉ាស៊ីន​នៅ​ខាង​មុខ​ ដោយ​ Chevrolet ប្ដូរ​មក​​ដាក់​ម៉ាស៊ីន​នៅ​ក្រោយ​វិញ ដើម្បី​​ឲ្យ​ដូច​នឹង​រថយន្ត​​​ Supercar នៅ​អឺរ៉ុប។

Mercedes-AMG SL63 (២០១៣-២០១៩)

Mercedes បាន​សម្រេច​ចិត្ត​សម្លាប់​រថយន្ត​ SL63 នេះ ដើម្បី​ទុក​កន្លែង​សម្រាប់​រថយន្ត​ស៊េរី​ថ្មី។

Jaguar XJ (១៩៦៨-២០១៩)

អស់​ពេល​ជាង​ ៥០ ឆ្នាំ រថយន្ត​ Jaguar XJ កកើត​បាន​ ៩ ជំនាន់។ យ៉ាងណាក្ដី​ក្នុង​សម័យ​កាល​អគ្គិសនី​ Jaguar សម្រេច​ចិត្ត​បញ្ឈប់​ផលិត​រថយន្ត​ XJ នេះ សម្រាប់​ទុក​ចន្លោះ​ឲ្យ​រថយន្ត​ថ្មី​ដែល​ប្រើ​ប្រាស់​ថាមពល​អគ្គិសនី​សុទ្ធ។

Alfa Romeo 4C (២០១៣-២០១៩)

ដោយ​សារ​ចំនួន​លក់ និង​តម្រូវ​ការ​ថយ​ចុះ​ផង​ដែរ Afla បាន​សម្រេច​ឈប់​ផលិត​រថយន្ត​ 4C ដើម្បី​ត្រៀម​ទទួល​រថយន្ត​ម៉ូដែល Tonale ថ្មី និង​ផ្ដោត​លើ​រថយន្ត​​ដទៃ​ទៀត​ដូច​ជា​ Stelvio និង Giulia៕
​​

Sponsored