[ទីផ្សារបរទេស] ក្រុមហ៊ុន Toyota ដែលជាយក្សមួយនៃឧស្សាហកម្មរថយន្តជប៉ុន បានមើលឃើញប្រាក់ចំណេញរបស់ខ្លួនធ្លាក់ចុះ ២១% សម្រាប់រយៈពេល ៣ខែចុងក្រោយនៃឆ្នាំ ២០២១ ដោយសារកង្វះបន្ទះឈីបជាសកល ដែលប៉ះពាល់ដល់ការផលិត។
ក្រុមហ៊ុន Toyota បាននិយាយថា ប្រាក់ចំណេញប្រតិបត្តិការនៅត្រីមាសទី៣ របស់ខ្លួន ទទួលបាន ៧៨៤,៤ ពាន់លានយ៉េន (៦,៨ពាន់លានដុល្លារ) ប៉ុណ្ណោះ។
ផ្ទាំងផ្សាយពាណិជ្ជកម្ម
ក្រុមហ៊ុនផលិតរថយន្តដែលលក់ដាច់បំផុតរបស់ពិភពលោកខាងលើ ក៏បានកាត់បន្ថយគោលដៅផលិតកម្មប្រចាំឆ្នាំរបស់ខ្លួន ចំនួន ៥០០ ០០០ គ្រឿង មកនៅត្រឹមសរុប ៨,៥ លានគ្រឿងវិញទៀតផង។
គួរឲ្យដឹងដែរថា ក្រុមហ៊ុនផលិតនៅជុំវិញពិភពលោកកំពុងតស៊ូ និងជម្នះដើម្បីស្វែងរកបន្ទះឈីបអេឡិចត្រូនិចឲ្យបានគ្រប់គ្រាន់ សម្រាប់ផលិតផលរបស់ពួកគេ។
គួររំលឹកថា កាលពីខែកញ្ញា ក្រុមហ៊ុន Toyota បានកាត់បន្ថយការផលិតរថយន្តទូទាំងពិភពលោករបស់ខ្លួនចំនួន ៤០% ដោយសារតែកង្វះបន្ទះឈីបនេះ៕
ប្រភព ៖ BBC
ផ្ទាំងផ្សាយពាណិជ្ជកម្ម
