ខណៈពេលដែល BMW កំពុងត្រៀមខ្លួនដើម្បីបញ្ចេញរថយន្ត Plug-in Hybrid និង រថយន្តអគ្គិសនីថ្មី ដូចជា BMW i4 និង iX3 ទិន្នន័យលក់ដែលចេញផ្សាយដោយក្រុមហ៊ុនរថយន្តអាល្លឺម៉ង់នេះបង្ហាញថា តម្រូវការសម្រាប់រថយន្តអគ្គិសនីរបស់ BMW កំពុងតែផ្ទុះឡើងខ្លាំង។
រយៈពេលប៉ុន្មានខែក្នុងឆ្នាំ២០២០ នេះ ៧,៩% នៃចំនួនលក់រថយន្តសរុបរបស់ BMW គឺជារថយន្តប្រភេទ Plug-in Hybrid និងរថយន្តអគ្គិសនីសុទ្ធ។ មិនតែប៉ុណ្ណោះ ទិន្នន័យពីរ IHS Markit បង្ហាញថា BMW គឺជាម៉ាកពេញនិយមបំផុតលំដាប់លេខ២ សម្រាប់រថយន្ត Plug-in Hybrid និងរថយន្តអគ្គិសនីសុទ្ធ នៅក្នុងប្រទេសអាល្លឺម៉ង់។
ក្នុងនោះ BMW មាន ១២% នៃរថយន្ត Plug-in Hybrid និងរថយន្តអគ្គិសនីថ្មី ដែលបានចុះឈ្មោះនៅក្នុងប្រទេស ចន្លោះពីខែមករា ដល់ឧសភា ឆ្នាំ២០២០។
BMW ស្ថិតនៅលេខ២ ក៏ដោយសារតែ Volkswagen ឈរនៅលេខ១ កាន់កាប់ចំណែកទីផ្សារ ១៧% តាមពីក្រោយដោយ Audi ១១%, Mercedes-Benz ១០%, Renault ៨%, Tesla ៦%, Volvo ៥%, Mitsubishi ៤%, Hyundai ៤%, Kia ៣%, Opel ៣%, Skoda ៣% និង Smart ៣%៕
