[ទីផ្សារបរទេស] ក្រុមហ៊ុន Mercedes-Benz បានដឹកជញ្ជូនរថយន្តបាន ៥២០ ១០០គ្រឿង នៅត្រីមាសទីបីនៃឆ្នាំ២០២២នេះ ដោយចំណែកធំគឺបានពីទីផ្សារប្រទេសចិន។
ការលក់របស់ក្រុមហ៊ុនអាល្លឺម៉ង់នេះ បានកើនឡើង ២០% នៅត្រីមាសទីបី កើនពី ៤៣៤ ៨០០គ្រឿង នៅត្រីមាសទីបីនៃឆ្នាំ២០២១នេះ ធ្វើឲ្យការលក់ពេញមួយឆ្នាំ២០២២នេះ មានសរុបដល់ ១ ៥១៨ ២០០គ្រឿង ដែលរាប់បញ្ចូលការលក់នៃរថយន្ត V-Class, T-Class និងរថយន្ត EQV ផងដែរ។
ប្រទេសចិននៅតែជាទីផ្សារសំខាន់បំផុតមួយរបស់ Mercedes ហើយក៏ជាទីផ្សារធំបំផុតផងដែរ ដោយចាប់ពីខែកក្កដា ដល់ខែកញ្ញា មានរថយន្ត ២០៦ ៨០០គ្រឿង បានលក់ចេញនៅប្រទេសចិន នាំមុខចំនួនលក់ ១៥២ ៧០០គ្រឿង នៅឯទីផ្សារអឺរ៉ុប និង ៨៣ ២០០គ្រឿង នៅអាមេរិកខាងជើង។
ការលក់នៅប្រទេសចិនបានកើនឡើង ៣៧% នៅត្រីមាសទីបី កើនពី ១៥០ ៦០០គ្រឿង កាលពីថ្មីមានទីបី នៃឆ្នាំ២០២១។ យ៉ាងណាក្ដី ការលក់សរុបនៅប្រទេសចិនមានការថយចុះ ៥% ក្នុងរយៈពេល៩ខែដំបូងនៃឆ្នាំ២០២២នេះ៕
