កាលពីខែសីហាកន្លងទៅ ក្រុមហ៊ុនរថយន្តឥណ្ឌា Tata បានធ្វើការបង្ហាញចេញរថយន្ត SUV ខ្នាតតូចជាងគេបំផុតរបស់ខ្លួន ដែលមានឈ្មោះថា Punch ជាផ្លូវការ ខណៈពេលនេះក្រុមហ៊ុនបានធ្វើការប្រកាសអំពីតម្លៃនៃរថយន្ត SUV ខ្នាតតូចនេះ សម្រាប់ទីផ្សារប្រទេសឥណ្ឌាជាផ្លូវការ។
រថយន្ត Tata Punch ត្រូវបានផលិតឡើងដោយប្រើប្រាស់ជាមួយគ្រោងឆ្អឹង ALFA ព្រមទាំងទទួលចំណាត់ថ្នាក់ផ្កាយ ៥ ក្នុងការធ្វើតេស្តពី Global NCAP។
សម្រាប់រថយន្ត Tata Punch បានបំពាក់ជាមួយ អំពូលប្រភេទ LED, ជម្រើសថាសកង់ទំហំរហូតដល់ ១៦អ៊ីញ, ជម្រើសអេក្រង់កម្សាន្តទំហំ ៤ឬ ៦អ៊ីញអ៊ីញ, ប្រព័ន្ធបំពងសម្លេងចំនួន ៤ ឬ ៦, រន្ធសាកថ្ម USB និងកុងទ័របង្ហាញព័ត៌មានទំហំ ៧អ៊ីញ។
រថយន្ត Tata Punch បំពាក់ជាមួយម៉ាស៊ីនចំណុះ ១,២លីត្រ ទំហំ ៣ស៊ីឡាំង ផលិតកម្លាំងបាន ៨៤សេះ និងកម្លាំងបង្វិល ១១៣ញ៉ូតុនម៉ែត្រ។ ដោយដំណើរការជាមួយជម្រើសប្រអប់លេខ ៥វគ្គអូតូ ឬ ៥វគ្គលេខដៃ។
លើទីផ្សារប្រទេសឥណ្ឌា រថយន្ត Tata Punch ផ្តល់នូវជម្រើសម៉ូឌែលចំនួន ៤ប្រភេទគឺ Pure, Adventure, Accomplished និង Creative ដោយតម្លៃចាប់ពី ៧ ២៨៧ដុល្លារ ដល់ ១២ ៤៦៦ដុល្លារ៕
