ក្រុមហ៊ុនកែច្នៃរថយន្តមួយនៅក្នុងប្រទេសជប៉ុន មានឈ្មោះថា Albermo ទើបតែបានប្រកាសចេញគ្រឿង Bodykit សម្រាប់រថយន្ត Toyota Venza ដែលអាចប្រែក្រឡាខ្លួនវាទៅជារថយន្ត Lamborghini Urus បាន។
គួររំលឹកឲ្យដឹងថា Albermo ធ្លាប់បានចេញគ្រឿង Bodykit សម្រាប់រថយន្ត Toyota RAV4 កែទៅជា Lamborghini Urus ម្តងរួចមកហើយ។
ផ្ទាំងផ្សាយពាណិជ្ជកម្ម
យ៉ាងណាមិញ សម្រាប់ Bodykit បំពាក់លើ Toyota Venza បានធ្វើឲ្យវារឹតតែដូចទៅនឹងរថយន្ត Lamborghini Urus ហើយមើលទៅកាចខ្លាំងមែនទែន ជាមួយនឹងរន្ធបឺតខ្យល់ដ៏ធំនៅផ្នែកខាងមុខ, កាងមុខក្រោយ, ក្របាំងផុក និងកាងកាត់ខ្យល់ផ្នែកខាងក្រោយ។
ទោះជាយ៉ាងណាក៏ដោយ ក្រុមហ៊ុន Albermo មិនបានបង្ហាញឲ្យដឹងពីតម្លៃនៃ Bodykit នេះឡើយ ប៉ុន្តែបានបញ្ជាក់ថា គ្រឿងលេងទាំងនេះអាចបញ្ជាទិញដាច់ដោយឡែកពីគ្នាបាន ហើយមិនទាន់បាញ់ថ្នាំឡើយ ដែលមានន័យថា អតិថិជនងាយស្រួលជ្រើសរើសពណ៌ទៅតាមរថយន្តរបស់ពួកគេផ្ទាល់៕
ផ្ទាំងផ្សាយពាណិជ្ជកម្ម
