អគ្គនាយកដ្ឋានដឹកជញ្ជូនផ្លូវគោក នៃក្រសួងសាធារណការ និងដឹកជញ្ជូនផ្លូវគោក នឹងរៀបចំបើកវគ្គបណ្តុះបណ្តាល និងប្រឡងយកវិញ្ញាបនបត្របញ្ជាក់សមត្ថភាពគ្រូបង្រៀនបើកបរយានយន្ត។
ការបើកវគ្គបណ្តុះបណ្តាលនេះនៅមជ្ឈមណ្ឌលបណ្តុះបណ្តាលបើកបរយានយន្តធុនធ្ងន់ ក្នុងសង្កាត់សំរោង ខណ្ឌព្រែកព្នៅ ដែលនឹងធ្វើឡើងពីថ្ងៃទី១៥ ដល់ ១៩ ខែធ្នូ ឆ្នាំ២០២៥ សម្រាប់ប្រភេទ ក និង ខ និងពីថ្ងៃទី២២ ដល់ ២៦ ខែធ្នូ ឆ្នាំ២០២៥ សម្រាប់ប្រភេទ គ និង ឃ។
បេក្ខជនត្រូវដាក់ពាក្យសុំចូលរួមវគ្គបណ្តុះបណ្តាល និងការប្រឡងនេះ ឲ្យបានមុនថ្ងៃទី១១ ខែធ្នូ ឆ្នាំ២០២៥។ លក្ខខណ្ឌនៃការចូលរួម មានដូចខាងក្រោមៈ
-សញ្ជាតិខ្មែរ និងមានអាយុយ៉ាងតិច ២៥ឆ្នាំ
-មានសញ្ញាបត្រមធ្យមសិក្សាបឋមភូមិឡើងទៅ
-មានកាយសម្បទាគ្រប់គ្រាន់ ដែលមានការបញ្ជាក់សុខភាពពីវេជ្ជបណ្ឌិត
-មានបណ្ណបើកបរយានយន្ត និងបទពិសោធន៍បើកបរយ៉ាងតិច ៣ឆ្នាំ តាមប្រភេទបណ្ណបើកបរដែលតម្រូវក្នុងការប្រឡង៕
