រថយន្តដែលមានរូបរាងស្រដៀងនឹង Range Rover មួយទៀត បានលេចចេញឡើងនៅប្រទេសចិន ដែលវាមានឈ្មោះថា Hunkt Canticie ដែលផលិតឡើងផ្អែកតាមរូបរាងរថយន្តចិន Zotye T900 ចេញកាលឆ្នាំមុន។
Car News China ចុះផ្សាយថារថយន្ត SUV មានរូបរាងដូច Range Rover នេះ ជាផលិតផលរបស់ក្រុមហ៊ុន Hanlong Auto មានមូលដ្ឋាននៅខេត្ត Hubei។ រូបភាពបានបង្ហាញថា Hunkt Canticie មានរូបរាងស្រដៀងគ្នាខ្លាំងនឹង Range Rover Sport ជំនាន់បច្ចុប្បន្ន។
ម៉ាស៊ីនដែលបំពាក់លើរថយន្តនេះគឺប្រភេទ Turbocharged ចំណុះ ២,០ លីត្រ ៤ ស៊ីឡាំង ផលិតកម្លាំងបាន ២១៨ សេះ។ ឯ Range Rover Sport វិញប្រើម៉ាស៊ីន Supercharged ចំណុះ ៥,០ លីត្រ ៨ ស៊ីឡាំង។
តម្លៃរបស់រថយន្តនេះនៅប្រទេសចិនគឺមានចាប់ពីប្រមាណ ១៨ ០៤២ ដុល្លារ ដែលធៀបនឹង Range Rover Sport លក់នៅចិនគឺមានតម្លៃរហូតដល់ប្រមាណ ១៧៣ ០០០ ដុល្លារឯណោះ៕
