ក្រុមហ៊ុនផលិតរថយន្តវៀតណាម VinFast កំពុងត្រៀមខ្លួនដើម្បីចូលទៅក្នុងទីផ្សារសហរដ្ឋអាមេរិក ជាមួយនឹងការដាក់បង្ហាញរថយន្ត SUV អគ្គិសនីចំនួន ២ ម៉ូដែលជាផ្លូវការ នៅក្នុងកម្មវិធី 2021 Los Angeles Auto Show។ រថយន្តទាំង ២ ម៉ូដែលនោះគឺ VinFast VF e35 និង VF e36។
VinFast VF e35
វាមានបំពាក់អេក្រង់កម្សាន្តទំហំ ១៥,៤អ៊ីញ, ប្រើកាមេរ៉ា ១៤គ្រាប់, LiDAR Sensor និង សេនស័រ ៣៦០ដឺក្រេ ចំនួន ១៩គ្រាប់ ដែលអនុញ្ញាតឲ្យវាមានសមត្ថភាពបើកបរស្វ័យប្រវត្តិ កម្រិត៣។
រថយន្ត VinFast VF e35 នឹងមានជម្រើសម៉ូទ័រអគ្គិសនីមួយ និង ពីរ ជាមួយនឹងកម្លាំង ២០១សេះ និង ៤០២សេះ ហើយចម្ងាយបើកបរ ៤៦០គីឡូម៉ែត្រ និង ៥០០គីឡូម៉ែត្រ។
VinFast VF e36
វាបំពាក់ម៉ូទ័រអគ្គិសនីចំនួន ២គ្រឿង ដែលបង្កើតកម្លាំងបាន ៤០២សេះ និងកញ្ចប់អាគុយអគ្គិសនីទំហំ ១០៦គីឡូវ៉ាត់ម៉ោង ដែលផ្តល់ចម្ងាយបើកបរ ៤៨៥គីឡូម៉ែត្រ និង ៦៨០គីឡូម៉ែត្រ។
ជាមួយគ្នានេះដែរ វាក៏មានបំពាក់អេក្រង់កម្សាន្តទំហំ ១៥,៤អ៊ីញ និង សមត្ថភាពបើកបរស្វ័យប្រវត្តិកម្រិត៣ ដូចទៅនឹងម៉ូដែល VF e35 ដែរ។
គួរឲ្យដឹងថា រថយន្ត VinFast VF e35 និង VF e36 នឹងបើកឲ្យបញ្ជាទិញមុន នៅដើមពាក់កណ្តាលឆ្នាំ២០២២ តែម្តង នៅលើទីផ្សារសហរដ្ឋអាមេរិក៕
