ក្នុងសេចក្ដីប្រកាសថ្មីមួយ ក្រុមហ៊ុនរថយន្ត General Motors បាននិយាយថាខ្លួនចង់បំបាត់ចោលរថយន្តបញ្ចេញផ្សែងចាប់ពីរថយន្តខ្នាតតូចទៅនៅត្រឹមឆ្នាំ ២០៣៥ ខាងមុខ។
GM បាននិយាយថាបច្ចុប្បន្ននេះរថយន្តចំនួនប្រមាណ ៧៥% របស់ខ្លួន គឺជាប្រភេទរថយន្តបញ្ចេញផ្សែងពុល។ នៅត្រឹមឆ្នាំ ២០២៥ ខាងមុខ ក្រុមហ៊ុនចង់ឲ្យរថយន្តអគ្គិសនីមានចំណែក ៤០% នៃម៉ូដែលដែលដាក់លក់នៅសហរដ្ឋអាមេរិក ហើយចង់ឲ្យមានផលិតផលអគ្គិសនីចំនួន ៣០ម៉ូដែលមានលក់នៅទូទាំងពិភពលោកផងដែរ។
ដើម្បីធានាថានឹងមានស្ថានីយសម្រាប់សាកភ្លើងរថយន្តអគ្គិសនី GM ក៏បានប្រកាសអំពីការចាប់ដៃគូជាមួយក្រុមហ៊ុន EVgo ដើម្បីបន្ថែមស្ថានីយសាកភ្លើងល្បឿនលឿនជាង ២ ៧០០ ទីតាំងនៅត្រឹមឆ្នាំ ២០២៥ ដែលស្ថានីយទាំងនេះនឹងប្រើប្រាស់ថាមពលដែលអាចប្រើប្រាស់ឡើងវិញ ១០០%៕
