ថ្មីៗនេះ Hyundai បានប្រកាសតម្លៃសម្រាប់រថយន្ត Kona N ស៊េរីឆ្នាំ ២០២២ ហើយឥលូវនេះក្រុមហ៊ុនបានបង្ហាញព័ត៌មានលម្អិនអំពីម៉ូដែល Elantra N។
រថយន្ត Hyundai Elantra N គ្រោងនឹងមកដល់នៅរដូវេងារនេះមានតម្លៃចាប់ពី ៣២,៩២៥ ដុល្លារ និងឡើងដល់ ៣៤,៤២៥ ដុល្លារ សម្រប់ជម្រើសបំពាក់ប្រអប់លេខ ៨វគ្គ និងបូករួម ១,០២៥ ដុល្លារទៀតសម្រាប់តម្លៃដឹកជញ្ចូន។
ម៉ូដែល Elantra N មានតម្លៃថ្លៃជាង រថយន្ត Volkswagen Jetta GLI ដោយសារម៉ូដែលនេះមានកម្លាំងខ្លាំងជាងដោយប្រើប្រាស់ម៉ាស៊ីនប្រភេទ Turbocharged ចំណុះ ២.០ លីត្រ អាចបង្កើតកម្លាំងបាន ២៧៦ សេះ និងកម្លាំងរមួល ៣៩២ ញ៉ូតុនម៉ែត្រ ខណៈដែលរថយន្តនេះក៏ត្រូវបានបំពាក់ដោយមុខងារ N Grin Shift ដែលអាចបង្កើតកម្លាំងជាបណ្តោះអាសន្នដល់ ២៨៦ សេះ ។
រថយន្ត Hyundai Elantra N ត្រូវបានបំពាក់ Sport-tuned suspension, integrated drive axle, beefier braking system, launch control និង Electronic limited-slip differential ផងដែរ។
រថយន្តប្រភេទ Sedan នេះបានទទួលបានការរចនាបែបស្ព័ររួមមាន កាងមុខធំ និងប៉ាណាបែបសំណាញពណ៌ខ្មៅ ក្រឡឹងក្រហម និងថាសកង់ស្ព័រទំហំ ១៩ អ៊ីញ ដែលប្រើប្រាស់សំបកកង់ប្រភេទ Michelin Pilot Sport 4S ។ អតិថិជនក៏អាចបន្ថែម កាងខាងមុខ ខាងក្រោយ និងទំហំស៊ីម៉ាំងផងដែរ។
ផ្នែកខាងក្នុងរថយន្តនេះមានកៅអីស្បែកបែបស្ព័រភ្ជាប់ដោយមុខងារកម្តៅ និងបានបំពាក់កុងទ័រ ទំហំ ១០,២៥ អ៊ីញ និងអេក្រង់ព័ត៌មានទំហំ ១០,២៥ អ៊ីញ មានភ្ជាប់ជាមួយប្រព័ន្ធ GPS, ម៉ាស៊ីនត្រជាក់ ២តំបន់, កន្លែងសាកថ្មឥតខ្សែ និង ឧបករណ៏បំពងសំឡេងប្រភេទ Bose ៨ចំនុច ។
ម៉ូដែល Elantra N ស៊េរីថ្មីឆ្នាំ២០២២ ក៏បានភ្ជាប់មកជាមួយប្រព័ន្ធជំនួយដល់អ្នកបើកបររួមមាន assortment of driver assistance systems including Forward Collision-Avoidance Assist, Blind-Spot Collision-Avoidance Assist និង Rear Cross-Traffic Collision-Avoidance assist ខណៈម៉ូដែលនេះក៏មានមុខងារ Lane Keeping Assist, Lane Following Assist, High Beam Assist និង Safe Exit Warning ជាដើម ៕
