រថយន្ត Nissan Armada ស៊េរីឆ្នាំ២០២១ បានបង្ហាញខ្លួនជាផ្លូវការ ដោយទទួលបានការអាប់ដេតរូបរាងកាន់តែហំ, បច្ចេកវិទ្យាទំនើបជាងមុន ព្រមទាំងអាប់ដេតកាប៊ីនខាងក្នុងផងដែរ។ វានឹងចេញលក់នៅសហរដ្ឋអាមេរិក នៅខែមករា ឆ្នាំ២០២១ ខាងមុខ។
Armada ឆ្នាំ២០២១ គឺជារថយន្ត Nissan ដំបូងបង្អស់ ដែលមានបំពាក់ឡូហ្គូថ្មី ព្រមទាំងប៉ាណាមុខថ្មី, គម្របដំបូលថ្មី, កាងមុខក្រោយថ្មី បូករួមទាំងចង្កៀងមុខក្រោយ LED ថ្មីផងដែរ។
Nissan ផ្តល់ជម្រើស Armada ដល់ទៅ ៣ ម៉ូដែល គឺ SV, SL និង Platinum ព្រមទាំងជម្រើសប៉ុងមួយ 2WD និងប៉ុងពីរ 4WD ទៀតផង។ ម៉ូដែលថ្មីមួយទៀត គឺ Armada S នឹងចេញនៅពេលក្រោយ។
SUV ខ្នាតធំមានកៅអី ៣ជួរនេះ បំពាក់អេក្រង់កម្សាន្ត Touchscreen ទំហំ ១២,៣អ៊ីញ អាចភ្ជាប់មុខងារ Apple CarPlay និង Wi-Fi។ វាបំពាក់ម៉ាស៊ីនចំណុះ ៥,៦លីត្រ Endurance V8 មានកម្លាំង ៤០០សេះ ដំណើរការដោយប្រអប់លេខអូតូ ៧វគ្គ ហើយអាចអូសសណ្តោងបានទម្ងន់ ៣ ៨៥៥គីឡូក្រាម៕
