ក្រុមហ៊ុន Lexus Vietnam បានធ្វើការប្រកាសនូវតម្លៃនៃរថយន្ត ES ឆ្នាំ ២០២១ សម្រាប់ទីផ្សារប្រទេសវៀតណាមផ្លូវការ ខណៈពេលរថយន្តនឹងក្លាយជាគូរប្រជែងនៃរថយន្ត Mercedes E-Class, BMW Series 5 និង Volvo S90។
លើទីផ្សារប្រទេសវៀតណាមរថយន្ត Lexus ES ឆ្នាំ ២០២១ បានផ្តល់នូវជម្រើសចំនួន ២ប្រភេទគឺ ES 250 និង ES 300h។ ដោយប្រភេទ ES 250 ដំណើរការដោយម៉ាស៊ីនចំណុះ ២.៥លីត្រ ៤ស៊ីឡាំង អាចផលិតកម្លាំងបាន ២០៣សេះ ភ្ជាប់ជាមួយប្រអប់លេខ ៨វគ្គ និងមានកម្រិតស៊ីប្រេងចំនួន ៧,០៦លីត្រ ក្នុងរយៈចម្ងាយ ១០០គីឡូម៉ែត្រ។
ចំណែកប្រភេទ ES 300h ដំណើរការដោយម៉ាស៊ីនសាំងចំណុះ ២.៥លីត្រ ផ្គួបជាមួយម៉ូទ័រអគ្គិសនីចំនួនមួយ ដែលអាចផលិតកម្លាំងសរុបបាន ២១៥សេះ ភ្ជាប់ជាមួយប្រអប់លេខ CVT និងមានកម្រិតស៊ីប្រេងចំនួន ៤,៦លីត្រ ក្នុងរយៈចម្ងាយ ១០០គីឡូម៉ែត្រ។
ចំពោះតម្លៃនៃម៉ូឌែលឆ្នាំ ២០២១នេះ រថយន្ត Lexus ES 250 មានតម្លៃចាប់ពី ១១២ ៣៤០ដុល្លារ និង Lexus ES 300h មានតម្លៃចាប់ពី ១៣៤ ៨១០ដុល្លារ៕
