[បរទេស] កាលពីថ្ងៃទី ១៨ ខែសីហា ឆ្នាំ ២០២៣ កន្លងទៅនេះ ក្រុមហ៊ុនផលិតរថយន្ត Infiniti បានធ្វើការដាក់បង្ហាញចេញជាផ្លូវការនៅគំរូរថយន្ត Infiniti QX Monogrash Concept នៅឯ Pebble Beach ដែលជំនួសម៉ូដែលដែលបានបញ្ចេញតាំងពីឆ្នាំ ២០១១ ។
ក្រុមហ៊ុន Infiniti ក៏ធ្លាប់បានបង្ហាញរថយន្តនេះដែលជាទិសដៅនៃការរចនាបែបអនាគតរបស់ខ្លួននៅឯ Monterey Car Week ដោយបង្ហាញរថយន្តប្រភេទ SUV QX Monograph នឹងបង្ហាញខ្លួនជាម៉ូដែល QX80 ជំនាន់ថ្មីស៊េរីឆ្នាំ ២០២៥។
Infiniti QX Monograph Concept មានការរចនាយ៉ាងទាក់ទាញ ជាពិសេសប៉ាណាខាងមុខមួយផ្ទាំងធំ រួមជាមួយនឹងចង្កៀងមុខ LED រចនាបែបក្តាចុចព្យាណូ ព្រមទាំងប្រើប្រាស់នៅថាសកង់ស្ព័រប្រភេទ alloy wheels និងចង្កៀងក្រោយរចនាបែបក្តាចុចព្យាណូអូសកាត់ពីផ្នែកម្ខាងទៅផ្នែកម្ខាង ។ ខណៈ ផ្នែកខាងក្នុងនៃកាប៊ីនមិនត្រូវបានបង្ហាញទេ។
ទាក់ទងទៅនឹងផ្នែកម៉ាស៊ីនវិញ គំរូរថយន្ត Infiniti QX Monograph Concept រំពឹងថា នឹងអាចដំណើរការដោយម៉ាស៊ីនសាំងចំណុះ ៣,៥ លីត្រ twon-turbo V6 ៕
