ស្របពេលដែល Bugatti កំពុងអភិវឌ្ឍន៍រថយន្ត Chiron Super Sport 300+ ដល់ដំណាក់កាលចុងក្រោយ មុនពេលដឹកទៅឲ្យភ្ញៀវ លោក Mat Watson មកពីគេហទំព័ររថយន្តអង់គ្លេស CarWow ក៏មានឱកាសអង្គុយក្នុងរថយន្តនោះ ដើម្បីសាកល្បឿនរបស់វា។
គិតរហូតមកដល់ពេលនេះ វាមានរយៈពេល ១២ខែហើយដែល Bugatti បានធ្វើឲ្យពិភពលោកមានការភ្ញាក់ផ្អើល បន្ទាប់ពីដាក់បង្ហាញរថយន្ត Chiron Super Sport 300+ ដែលមានល្បឿនអតិបរមារហូតដល់ទៅ ៤៩០គីឡូម៉ែត្រក្នុងមួយម៉ោង ឬ ៣០៤ម៉ាយ៍ក្នុងមួយម៉ោង។
Bugatti Chiron Super Sport 300+ បំពាក់ម៉ាស៊ីនចំណុះ ៨,០លីត្រ quad-turbo ទំហំ ១៦ស៊ីឡាំង (W16) ដែលមានកម្លាំងសរុបរហូតដល់ទៅ ១ ៥៧៨សេះ។
យ៉ាងណាមិញ នេះគឺជាលើកទី១ សម្រាប់ Mat Watson ដែលអង្គុយក្នុងរថយន្ត Bugatti ហើយបានសាកល្បឿនរបស់វាជាលើកទី១ រហូតដល់ទៅ ៣០០គីឡូម៉ែត្រក្នុងមួយម៉ោង។ ចង់ដឹងថាអារម្មណ៍ពេលបានជិះដល់ល្បឿនប៉ុណ្ណេះយ៉ាងណា ទៅទស្សនាវីដេអូខាងក្រោមទាំងអស់គ្នា៖
