ទើបបង្ហាញខ្លួនក្នុងទីផ្សារកម្ពុជា យីហោឡាន GAC បានឆក់យកបេះដូងអតិថិជនជាច្រើនឲ្យបញ្ជាទិញរថយន្តរបស់ពួកគេដោយទំនុកចិត្ត ព្រោះគ្រប់ម៉ូដែលរបស់ GAC តែងបំពាក់ទៅដោយប្រព័ន្ធបច្ចេកវិទ្យាទំនើបៗ និងមុខងារជាច្រើនដែលផ្តល់ភាពងាយស្រួល និងសុវត្ថិភាពដល់អ្នកប្រើប្រាស់ បូករួមជាមួយតម្លៃសមរម្យ ឬអាចនិយាយបានថាមានភាពប្រកួតប្រជែងខ្លាំងដែលអ្នកប្រើប្រាស់រថយន្តគ្រប់រូបរមែងចង់បាន។
គូសបញ្ជាក់ផងដែរថា GAC ជាក្រុមហ៊ុនដៃគូផលិតរថយន្ត និងផ្គត់ផ្គង់គ្រឿងបន្លាស់រថយន្តរបស់ TOYOTA, LEXUS, HONDA និង MITSUBISHI ហើយកំពុងទទួលប្រជាប្រិយភាពយ៉ាងខ្លាំងតាមបណ្តាប្រទេសជាច្រើនជុំវិញពិភពលោក ស្របពេលដែលក្រុមហ៊ុននេះ ក៏មានវត្តមានជាផ្លូវការក្នុងប្រទេសកម្ពុជាផងដែរ។
ឥឡូវនេះ GAC ក៏បានដាក់លក់នូវម៉ូដែលថ្មីប្រភេទ GS5 សេរីឆ្នាំ ២០២១ ដែលជារថយន្តប្រភេទ SUV ខ្នាតតូច ប្រអប់លេខអូតូ ៦ វគ្គ ៥ កៅអី ប៉ុង ១ (FWD) ម៉ាស៊ីនសាំង ស៊ីឡាំង ៤ ចំណុះ ១.៥ លីត្រ ទាក់បូ (1.5L Turbo) កម្លាំង ១៥១ សេះ (151 Hp) កម្លាំងរមួល ២៣៥ ញ៉ូវតុនម៉ែត្រ (235Nm)។
មានការរចនាបែបស៊ីវិល័យ ជាមួយដំបូលកញ្ចក់ដ៏ទាក់ទាញ GS5 សេរីឆ្នាំ ២០២១ សក្តិសមសម្រាប់ការប្រើប្រាស់គ្រប់ស្ថានភាពផ្លូវ ជាមួយកង់ទំហំ ១៨ អ៊ីញ និងមានសេនស័រ (Sensor) បង្ហាញពីសម្ពាធខ្យល់ក្នុងកង់ងាយស្រួលដល់អ្នកបើកបរដឹងបានភ្លាមៗមុនពេលខ្យល់អស់ជាយថាហេតុ។ លើសពីនេះការប្រើប្រាស់ GS5 សេរីឆ្នាំ ២០២១ មានភាពសន្សំសំចៃច្រើនដែលរថយន្តនេះមានធុងសាំងចំណុះ ៥៥ លីត្រ (55L) និងស៊ីសាំងចន្លោះពី ៦ ទៅ ៧ លីត្រ សម្រាប់ការបើកបរក្នុងរយៈចម្ងាយផ្លូវ ១០០ គីឡូម៉ែត្រ។
អាចបញ្ជាបញ្ឆេះរថយន្តពីចម្ងាយជាមួយកូនសោរឆ្លាតវៃ (Smart key) របស់ GS5 ហើយចង្កៀងមុខជាបច្ចេកវិទ្យា Projector Headlamp ដែលជះពន្លឺទៅខាងមុខបានច្បាស់ល្អ និងមិនប៉ះពាល់ភ្នែកអ្នកបើកបរបញ្រ្ចាស់ទិស។ មានកាមេរ៉ាមើលមួយជុំរថយន្តជាទម្រង់ ៣៦០ ដឺក្រេ ជាមួយអេក្រង់ Touch Screen ទំហំ ១០ អ៊ីញ សេនស័រ ៦ និងប្រព័ន្ធជំនួយជាសម្លេងពេលរថយន្តជិតប៉ះឧបសគ្គនានា ដែលផ្តល់ភាពងាយស្រួលក្នុងការចូលចត ក៏ដូចជាបើកបរក្នុងស្ថានភាពផ្លូវតូចចង្អៀត ឬចរាចរណ៍កកស្ទះ។
ដោយសារផលិតមកសម្រាប់បើកបរគ្រប់ស្ថានភាពផ្លូវ ចង្កូតរបស់ GS5 មានបំពាក់នូវមុខងារសំខាន់ៗ ៣ និងរថយន្តទាំងមូលមានប្រព័ន្ធសុវត្ថិភាព ដូចជា៖
- មុខងារទី១ Comfort ដែលចង្កូតធូ ស្រួលបង្វិល សម្រាប់ការបើកបរប្រចាំថ្ងៃក្នុងទីក្រុង។
- មុខងារទី២ Standard ដែលតឹងជាងមុនបន្តិច សម្រាប់ការបើកបរប្រចាំថ្ងៃក្នុងទីក្រុង ឬក្រៅក្រុងម្តងម្កាល។
- មុខងារទី៣ Sport ដែលចង្កូតតឹកណែន ជួលទប់រថយន្តមិនងាករ៉េ ពេលបើកបរល្បឿនលឿន។
- ប្រព័ន្ធជួយទប់លំនឹងរថយន្តមិនឲ្យក្រឡាប់ TCS និង ESP
- ប្រព័ន្ធហ្វ្រាំងជួយទប់រថយន្តមិនឲ្យក្រលែង និងបញ្ឈប់រថយន្តបានយ៉ាងមានប្រសិទ្ធភាពមិនថាពេលបើកបរផ្លូវកោង រអិល ឬឡើងចុះចំណោទ ABS, HBA និង EPS
ជាមួយតម្លៃពិសេសសម្រាប់ឱកាសបុណ្យចូលឆ្នាំចិនខាងមុខនេះ GS5 សេរីឆ្នាំ ២០២១ នៅសល់ត្រឹមតែ $37,999 តែប៉ុណ្ណោះ ហើយមាននៅក្នុងស្តុកជាច្រើនគ្រឿងសម្រាប់បំពេញតាមតម្រូវការអតិថិជន ដែលទិញភ្លាម បានរថយន្តយកទៅប្រើប្រាស់ភ្លាមៗតែម្តង។
សម្រាប់ព័ត៌មានលំអិត អាចធ្វើការទំនាក់ទំនងទៅកាន់លេខទូរសព្ទ៖ ០៩៥ ៩៩៩ ០២៩ ឬអញ្ជើញទៅកាន់អគារតាំងបង្ហាញរថយន្ត GAC ដែលមានអាសយដ្ឋាន អគារលេខ #១១០ មហាវិថីសហព័ន្ធរុស្សី សង្កាត់ទឹកថ្លា ខណ្ឌសែនសុខ រាជធានីភ្នំពេញ ឬអាចទាក់ទងតាមបណ្តាញសង្គម៕
- FACEBOOK: GAC Motor Cambodia
- YOUTUBE: GAC Motor Cambodia
- TELEGRAM: GAC Motor Cambodia
សូមទស្សនាវីដេអូលម្អិតនៃឡាន GAC GS5 សេរីឆ្នាំ ២០២១ ខាងក្រោម
