បុរសបីនាក់ត្រូវបានចាប់ខ្លួននៅ Ventura បន្ទាប់ពីអាជ្ញាធររកឃើញលួចប្រដាប់បម្លែងផ្សែងពុល(Catalytic Converters) និងឧបករណ៍ផ្សេងៗទៀតដែលប្រើក្នុងការលួច អំឡុងពេលឈប់រងចាំភ្លើងចរាចណ៍។
ហេតុការណ៍នេះបានកើតឡើង បន្ទាប់ពីអ្នកស៊ើបអង្កេតមកពីអង្គភាពក្រុមក្មេងទំនើងរបស់ការិយាល័យ Ventura County Sheriff បានបញ្ឈប់យានយន្តមួយនៅទីក្រុង Ventura កាលពីសប្តាហ៍មុននេះ បើយោងតាមការបង្ហោះនៅលើ Instagram ពីនាយកដ្ឋាន។
បុរសទាំងបីអ្នកនោះគឺរស់នៅទីក្រុង Los Angeles ដោយមានការសង្ស័យថាមានផ្ទុកសារធាតុញៀន។ អាជ្ញាធរបាននិយាយថាក្នុងអំឡុងពេលនៃការឆែកឆេររថយន្តនោះក្រុមអ្នកស៊ើបអង្កេតបានរកឃើញប្រដាប់បម្លែងផ្សែងពុល និងឧបករណ៍ផ្សេងៗទៀត ដែលគេជឿថាត្រូវបានប្រើដើម្បីប្រព្រឹត្តអំពើលួច។
ការិយាល័យប៉ូលីសកំពុងធ្វើការជាមួយនាយកដ្ឋានប៉ូលីស Ventura ដើម្បីស្វែងរកជនរងគ្រោះ និងប្រគល់ទ្រព្យសម្បត្តិដែលត្រូវចោរលួចមកវិញ។ អាជ្ញាធរបានផ្តល់រូបថតនៃវត្ថុដែលត្រូវចោរលួច និងជនសង្ស័យ ប៉ុន្តែមិនបានបញ្ចេញព័ត៌មានបន្ថែមអំពីបុរសទាំងបីនោះទេ។ ប្រដាប់បំបម្លែងផ្សែងពុលត្រូវបានកាត់ផ្តាច់ពីយានយន្ត និងលួចដោយសារវាមានផ្ទុកនូវលោហធាតុមានតម្លៃហើយអាចត្រូវបានគេយកទៅលក់ដើម្បីចំណេញ៕
