រថយន្ត Sedan ប្រណីតរបស់ក្រុមហ៊ុនរថយន្តចិន Hongqi បានលេចចេញឡើង ដែលវាគឺជាម៉ូដែល Hongqi H7 រំពឹងថាចេញលក់នៅប្រទេសចិននៅអំឡុងឆ្នាំ ២០២០ ខាងមុខ ហើយវានឹងបង្ហាញមុខជាផ្លូវការនៅក្នុងរង្វង់ប៉ុន្មានខែទៀត។
សារព័ត៌មានចិនបានចុះផ្សាយថា Hongqi H7 នឹងមានដំណើរការដោយម៉ាស៊ីន ២,០ លីត្រ ៤ ស៊ីឡាំង ប្រភេទ Turbocharged និងមានជម្រើសម៉ាស៊ីន ៦ ស៊ីឡាំង ដែលមានកម្លាំងខ្លាំង។ ម៉ាស៊ីនថ្មីទាំងពីរនេះនឹងមានការកែសម្រួលឲ្យសន្សំសំចៃប្រេងបានច្រើនជាងមុន និងបន្ថយការបញ្ចេញឧស្ម័នពុលផងដែរ។
ផ្ទាំងផ្សាយពាណិជ្ជកម្ម
Hongqi គឺជាម៉ាករថយន្តបង្កើតឡើងតាំងពីឆ្នាំ ១៩៥៨ ដែលដើមឡើយផលិតសម្រាប់តែមន្ត្រីជាន់ខ្ពស់ប៉ុណ្ណោះ ហើយវាបន្តផលិតដល់ឆ្នាំ ១៩៨១។ ក្រោយមកម៉ាករថយន្តនេះបានរស់ឡើងវិញនៅពាក់កណ្ដាលទសវត្សឆ្នាំ ១៩៩០៕
ផ្ទាំងផ្សាយពាណិជ្ជកម្ម
