ក្រោយពីរូបរាងនៃរថយន្តដែលប្រើបើកបរសាកល្បងនៅអឺរ៉ុបបានលេចធ្លាយរួចមក Kia Morning ស៊េរីថ្មីបានលេចធ្លាយនូវការឌីហ្សាញក្នុងប្រទេសកូរ៉េខាងត្បូងដែលជាទឹកដីកំណើតវិញម្ដង។
រូបភាពបានបង្ហាញថា Kia Morning ស៊េរីឆ្នាំ ២០២១ មានការផ្លាស់ប្ដូរផ្ទាំងប៉ាណា រចនាបថចង្កៀងថ្មីទាន់សម័យ ហើយអំពូលបំភ្លឺពេលថ្ងៃមានរចនាបថដូចជាលើរថយន្ត Kia Stinger និង Cerato ដែរ។ ចំណែករូបរាងខាងក្រោយក៏មានការផ្លាស់ប្ដូរដែរ ជាពិសេសកាងខាងក្រោម។
ផ្ទាំងផ្សាយពាណិជ្ជកម្ម
ម៉ាស៊ីន Kia Morning នឹងនៅតែមានជម្រើសដូចបច្ចុប្បន្នគឺ ទំហំ ១លីត្រ ៣ស៊ីឡាំង កម្លាំង ៦៧សេះ និងជម្រើសទំហំ ១,២៥លីត្រ ៤ស៊ីឡាំង កម្លាំង ៨៤សេះ។ ម៉ូដែលថ្មីនេះអាចនឹងមានបន្ថែមម៉ាស៊ីនថ្មីមួយទៀតប្រភេទ Turbocharged ចំណុះ ១លីត្រ កម្លាំង ១០០សេះ៕
ផ្ទាំងផ្សាយពាណិជ្ជកម្ម
