នៅឆ្នាំ២០២៦ ខាងមុខនេះ រថយន្តយន្តអគ្គិសនីត្រូវបានក្រុមហ៊ុន Gartner ព្យាករថា នឹងកើនឡើង ៣០% ស្មើនឹងចំនួន ១១៦លានគ្រឿង បើប្រៀបធៀបនឹងឆ្នាំ២០២៥ ខណៈរថយន្តអគ្គិសនីលាយសាំង PHEV នឹងកើនឡើង ៣២% ស្មើនឹងជាង ៣៩,៨លានគ្រឿង។
ការប៉ាន់ស្មានពីកំណើនរថយន្តអគ្គិសនីនេះ គឺបានបង្ហាញពីការដែលអាចសម្រចបានលើរថយន្តប្រភេទនេះ បើទោះបីមានឧបសគ្គច្រើនបានកើតឡើង ក្នុងនោះ បណ្តាប្រទេសជាច្រើន បានបញ្ឈប់ការឧបត្ថម្ភធន និងការដំឡើងពន្ធរថយន្តអគ្គិសនីដែលនាំចូលសហរដ្ឋអាមេរិកជាដើម។
ការចែកចាយរថយន្តអគ្គិសនីសាកល ត្រូវបានមើលឃើញថា ភាគច្រើនគឺសំដៅមកកាន់តំបន់អាស៊ី ក្នុងនោះ ប្រទេសចិន នឹងមានចំណែកទីផ្សារធំជាងគេបង្អស់ ប្រមាណ ៦១ភាគរយ នៅឆ្នាំក្រោយ។
ជាមួយគ្នានេះ គេក៏បានកត់សម្គាល់ពីកំណើនរថយន្ត PHEV ផងដែរ ដោយសារតែក្រុមហ៊ុនជាច្រើន ដោយរួមមានក្រុមហ៊ុនផងដែរ ជាពិសេស BYD បាននឹងកំពុងសម្រុកបញ្ចេញរថយន្តប្រភេទនេះ។ គួរដឹងថា បណ្តាក្រុមហ៊ុនចិន បានព្យាយាមបញ្ចេញរថយន្ត PHEV, DM-I ឬ EREV ដើម្បីចូលទៅកាន់ទីផ្សារអឺរ៉ុប បន្ទាប់ពីអឺរ៉ុប បានរឹតត្បិតពន្ធគយលើរថយន្តអគ្គិនសិរបស់ចិន៕
