[បរទេស] រថយន្ត McLaren P1 ប្រភេទកូនកាត់ hybrid ដំបូងគេរបស់ក្រុមហ៊ុនជំនាន់ទី ២ ដែលត្រូវបានផលិតក្នុងចំនួនមានកំណត់ត្រឹមតែ ៣៧៥ គ្រឿងប៉ុណ្ណោះនៅទូទាំងពិភពលោក បានធ្វើការអាប់ឌេតកញ្ចប់អាគុយដែលមានតម្លៃ ១៥៦ ៧០០ ដុល្លារ ដែលស្មើនឹងតម្លៃរបស់រថយន្ត Porsche 911 Carrera 4 GTS នៅក្នុងប្រទេសសហរដ្ឋអាមេរិក ។
មិនត្រឹមតែប៉ុណ្ណោះ អាគុយនេះអាចប្រើប្រាស់បានរយៈពេល ១០ឆ្នាំ ក្នុងនោះ ដើម្បីបញ្ជាទិញកញ្ចប់ថ្មជំនាន់ថ្មីសម្រាប់ផ្លាស់ប្តូរ ម្ចាស់រថយន្តត្រូវកក់ប្រាក់រហូតដល់ ៣៥ ៧០០ ដុល្លារ ដោយតម្លៃនេះ ស្មើនឹងរថយន្តភីកអាប់ Mazda CX-30 ឬ Toyota Tacoma នៅក្នុងទីផ្សារសហរដ្ឋអាមេរិក។
McLaren P1 បំពាក់ជាមួយម៉ាស៊ីនកូនកាត់ hybrid ធ្វើការរួមគ្នាជាមួយម៉ាស៊ីនកូនកាត់ hybrid ធ្វើការរួមគ្នាជាមួយម៉ាស៊ីនសាំងចំណុះ ៣,៨ លីត្រ V8 Twin-Turbo និងម៉ូទ័រអគ្គិសនី អាចផលិតកម្លាំងបានសរុប ៩១៦ សេះ និងកម្លាំងរមួល ៩០០ ញ៉ូតុនម៉ែត្រ អាចរត់ស្ទុះពីកុងទ័រ ០-១០០គីឡូម៉ែត្រប្រើរយៈពេល ២,៨ វិនាទី ផ្គួបជាមួយអាគុយទំហំ ៤,៧ គីឡូវ៉ាត់ម៉ោង អាចបើកបរបានចម្ងាយ ៣១ គីឡូម៉ែត្រ ។
គួរបញ្ជាក់ផងដែរ សម្រាប់រថយន្ត McLaren P1 ប្រភេទកូនកាត់ hybrid គ្រោងនឹងដាក់បង្ហាញចេញជាផ្លូវការនៅក្នុងឆ្នាំ ២០២៤ ដែលមានតម្លៃលក់ប្រហែលជាង ១,៥លានដុល្លារ ៕
