ក្រុមហ៊ុន Tesla សម្រេចធ្វើការតេស្ដសាកល្បងជាផ្លូវការនូវសេវាកម្ម Robotaxi រថយន្ដតាក់សុីគ្មានអ្នកបើក នៅទីក្រុង Austin ដែលខ្លួនទន្ទឹងរង់ចាំជាយូរមកហើយ។
Tesla Model Y ដែលជារថយន្ដតាក់សុីគ្មានអ្នកបើកបរ បានកដាក់ឲ្យដំណើរការរតាំងពីថ្ងៃអាទិត្យ ទី២២ ខែមិថុនា ជាមួយនឹងការជិះលើផ្លូវជាក់ស្ដែង តារយៈទីតាំងដែលបានកំណត់ក្នុងទីក្រុង Austin។ ទោះបីការធ្វើសាកល្បងបែបសាធារណៈនេះក៏ដោយប៉ុន្ដែសេវាកម្ម Robotaxi មិនត្រូវបានអនុញ្ញាតឲ្យដំណើរការជាផ្លូវការពេលឡើយទេ។
នាយកប្រតិបត្តិក្រុមហ៊ុន Tesla លោក Elon Musk បានផុសលើបណ្ដាញសង្គម X ដោយសរសេរថា៖«អបអរសាទរក្រុមការងារផ្នែកបញ្ញាសិប្បនិម្មិត (AI) និងការរចនាឈីបរបស់ Tesla សម្រាប់ការជោគជ័យក្នុងការដាក់បង្ហាញ RoboTxai។ សមិទ្ធផលកំពូលនៃការខិតខំប្រឹងប្រែងអស់រយៈពេលមួយទសវត្សរ៍។
យោងតាមរយៈវីដេអូជាង២០នាទី បង្ហោះនៅលើ YouTube ដោយឆានែល Tesla Daily ដែលផុសពីសកម្មភាពនៃការធ្វើតេស្ដបើកបរសាកល្បង សេវាកម្ម Robotaxi របស់ Tesla Model Y គ្មានអ្នកបើកបរមួយគ្រឿង បានជួយបញ្ហាបើកបរខុសបច្ចេកទេសត្រង់ផ្លូវបំបែកដែលមានចរាចរណ៍មមាញឹកក្នុងទីក្រុង Austin។ ត្រង់ចំណុចនាទី ៧:០០ នៅក្នុងវីដេអូ រថយន្តបានបើកមកពីគន្លងផ្លូវខណៈដល់ផ្លូវបំបែក រថយន្ដបានងាកចង្កូតបត់ឆ្វេងបានបន្ថិច ប៉ុន្តែបែរជាងាកចង្កូតបើកទៅត្រង់វិញ នេះហើយជាចំណុចមួយដែលបង្ហាញថាវាហាក់ស្ទាក់ស្ទើរក្នុងការឆ្លងកាត់ផ្លូវបំបែក។
ចំពោះហេតុការណ៍នោះ យើងអាចមើលឃើញជាក់ស្ដែងបន្ថែមពេលនោះចង្កូតបានរេទៅឆ្វេងស្ដាំយ៉ាងច្បាស់ ប៉ុន្តែអេក្រង់បង្ហាញទិសដៅរុករកផ្លូវ បានបង្ហាញឲ្យបត់ឆ្វេងហើយសម្រេចទៅត្រង់តែម្ដង នេះហើយជាចំណុចបង្ហាញពីភាពមិនស៊ីគ្នាមួយចំនួនរវាងការរៀបចំផែនទីផ្លូវរបស់ Tesla និងប្រព័ន្ធបើកបរដោយខ្លួនឯង Full Self-Driving (FSD)។
យ៉ាងមិញក៏គេប្រទះឃើញមានចំណុចវិជ្ជមាន២តូចៗបន្ថែមទៀត ប៉ុន្ដែវាមើលទៅហាក់មិនបង្កជាបញ្ហាធំដុំ ដូចករណីទី១ ដែលត្រូវបាប្រទះឃើញទេ។. ទោះជាយ៉ាងនេះក្តី ហេតុការណ៍នេះបានបង្កជាក្តីបារម្ភដល់អ្នកដែលមានគម្រោងប្រើសេវាកម្ម Robotaxi របស់ Tesla។ តាមការគ្រោងទុកក្រុមហ៊ុន Tesla កំពុងត្រៀមខ្លួនពង្រីកសេវាកម្ម Robotaxi នឹងដាក់ដំណើរការជាសាធារណៈនាពេលអនាគតដ៏ខ្លីខាងមុខ។ ចំពោះនាយកប្រតិបត្តិ លោក Elon Musk បានកំណត់គោលដៅខ្ពស់ ដោយមានគម្រោងដាក់ឲ្យ Robotaxi របស់ដំណើរជាផ្លូវការខ្ទង់ ១ ០០០ គ្រឿង គិតត្រឹមចុងឆ្នាំនេះ៕
