ក្រុមហ៊ុនបច្ចេកវិទ្យាយក្សរបស់ចិន Baidu បានដាក់ដំណើរការសេវាកម្មរថយន្តតាក់ស៊ីបើកបរស្វ័យប្រវត្តិជាផ្លូវការនៅទីក្រុងប៉េកាំង ប្រទេសចិន និងបានចាប់ផ្ដើមប្រមូលប្រាក់កម្រៃពីអ្នកប្រើប្រាស់ផងដែរ ក្រោយទទួលបានការអនុញ្ញាតពីនិយ័តករ។
ក្រុមហ៊ុន Baidu បានសាកល្បងសេវាកម្មរថយន្តតាក់ស៊ីបើកបរដោយគ្មានមនុស្សនេះជុំវិញទីក្រុងប៉េកាំងអស់រយៈពេលមួយឆ្នាំមកហើយ ដោយមានអ្នកប្រើប្រាស់ជាង ២ម៉ឺននាក់បានចូលរួមសាកល្បង ហើយពួកគេបានជិះតាក់ស៊ីនេះយ៉ាងហោចណាស់ ១០ដងក្នុងមួយខែៗ។
ផ្ទាំងផ្សាយពាណិជ្ជកម្ម
បច្ចុប្បន្នក្រុមហ៊ុនបានដាក់ដំណើរការរថយន្តតាក់ស៊ីនេះចំនួន ៦៧គ្រឿងនៅក្រុងប៉េកាំង ប៉ុន្តែមិនមានការបញ្ជាក់អំពីតម្លៃនៃសេវាកម្មរថយន្តបើកបរដោយគ្មានមនុស្សនេះនៅឡើយទេ។ នាយកប្រតិបត្តិក្រុមហ៊ុនបានដាក់គោលដៅថានឹងដាក់ដំណើរការសេវាកម្មនេះនៅទីក្រុងចំនួន ៦៥ នៅត្រឹមឆ្នាំ២០២៥ និងឲ្យបាន ១០០ទីក្រុង នៅត្រឹមឆ្នាំ ២០៣០៕
ផ្ទាំងផ្សាយពាណិជ្ជកម្ម
