[ក្នុងស្រុក] កាលពីពេលថ្មីៗកន្លងទៅនេះ ម៉ាករថយន្តលំដាប់សកលលោក Lexus បានបើកដំណើរការ អគារតាំងបង្ហាញរថយន្តផ្លូវការដំបូងរបស់ខ្លួននៅកម្ពុជា ព្រមទាំងបានបង្ហាញនៅម៉ូដែលជាមួយតម្លៃជាផ្លូវការ ដែលនាំចូលពីប្រទេសជប៉ុនដោយផ្ទាល់មកកាន់ទីផ្សារប្រទេសកម្ពុជា រួមទាំងមានប្រព័ន្ធ Navigation ផែនទីប្រទេសកម្ពុជាទៀតផង។
សម្រាប់ម៉ូដែលដែល Lexus នាំចូលមកកាន់ទីផ្សារប្រទេសកម្ពុជា មានចំនួន ៥ម៉ូដែលរួមមាន
ផ្ទាំងផ្សាយពាណិជ្ជកម្ម
- Lexus LS 500 មានតម្លៃលក់ចាប់ពី ២៩៨ ០០០ ដុល្លារ
- Lexus LM RX ផ្តល់នៅជម្រើស ២ប្រភេទរួមមាន LM 350h ៧កៅអី មានតម្លៃ ២៤០ ០០០ ដុល្លារ និង LM 350h ៤កៅអី មានតម្លៃ ២៧៥ ០០០ ដុល្លារ
- Lexus NX 350 F Sport មានតម្លៃលក់ចាប់ពិ ១១៥ ០០០ ដុល្លារ
- Lexus RX ផ្តល់នៅជម្រើស ២ប្រភេទរួមមាន RX 350 មានតម្លៃចាប់ពី ១៣៥ ០០០ ដុល្លារ និង RX 500h F Sport Performance ប្រើ Hybrid មានតម្លៃ ១៤៥ ០០០ ដុល្លារ
- Lexus LX ផ្តល់នៅជម្រើស ៣ប្រភេទរួមមាន LX 600 Urban មានតម្លៃលក់ចាប់ពី ២២៥ ០០០ ដុល្លារ, LX 600 F Sport តម្លៃចាប់ពី ២៦៥ ០០០ ដុល្លារ និង LX 600 VIP មានតម្លៃ ៣០០ ០០០ ដុល្លារ ។ លើសពីនេះ អតិថិជនដែលស្រឡាញ់ពេញចិត្តម៉ូដែល ES ក៏អាចកុម្ម៉ង់ទុកមុន ផងដែរ ។
គួរឲ្យដឹងថាអំឡុងពេលបើកសម្ពោធជាផ្លូវការ Lexus បញ្ជាក់ថា រាល់ការទិញរថយន្តថ្មីពី Lexus Cambodia អតិថិជនអាចរីករាយនឹងការផ្ដល់ជូនបន្ថែមដ៏ពិសេសដែលរួមមាន ការធានារយៈពេល ៣ឆ្នាំ ឬ ១០០ ០០០គីឡូម៉ែត្រ បូកនឹងការកញ្ចប់ជួសជុលទូទៅ និងកញ្ចប់ថែទាំតាមពេលវេលា ដោយប្រើប្រាស់ប្រេងម៉ាស៊ីនសុទ្ធរបស់ឡិចស៊ឺស រយៈពេល៣ឆ្នាំ ៕
ផ្ទាំងផ្សាយពាណិជ្ជកម្ម
