[បរទេស] ក្រុមហ៊ុនផលិតរថយន្ត Toyota គ្រោងនឹងផលិតរថយន្តអគ្គិសនីសុទ្ធ (EV) ចំនួនដល់ទៅប្រមាណ ១៥ ម៉ូដែលនៅឆ្នាំ ២០២៧ រួមទាំងការផ្តល់ជូនពីម៉ាកយីហោប្រណីត Lexus ផងដែរ ដែលមានគោលដៅផលិតឲ្យបានចំនួន ១លានគ្រឿងក្នុងមួយឆ្នាំ ។
គួរឲ្យដឹងថាបច្ចុប្បន្ននេះ Toyota បានផលិតរថយន្ត EV នៅក្នុងប្រទេសជប៉ុន និងចិន ប៉ុន្តែមានបំណងពង្រីកផលិតកម្មទៅកាន់សហរដ្ឋអាមេរិក ថៃ និងអាហ្សង់ទីន ដើម្បីកាត់បន្ថយហានិភ័យពន្ធដារ និងរូបិយប័ណ្ណ រួមទាំងពេលវេលាដឹកជញ្ជូន។
លើសពីនេះ Toyota គ្រោងនឹងផលិតរថយន្តអគ្គីសនីសុទ្ធ SUV កោអី ៣ជួរ អគ្គិសនីបីជួរក្នុងរោងចក្ររបស់ខ្លួននៅសហរដ្ឋអាមេរិកដើមឆ្នាំក្រោយទៀតផង ។ ការពង្រីកយុទ្ធសាស្រ្តនេះគឺជាផ្នែកមួយនៃកិច្ចខិតខំប្រឹងប្រែងរបស់ក្រុមហ៊ុន Toyota ក្នុងការប្រកួតប្រជែងកនៅក្នុងទីផ្សាររថយន្ត EV ដែលកំពុងរីកចម្រើនយ៉ាងឆាប់រហ័ស ដែលគូប្រជែងដូចជា Tesla និង BYD ដែលលក់រថយន្តអគ្គីសនី EV បានចំនួន ១,៧៦ លានគ្រឿងកាលពីឆ្នាំមុន ។
ម៉ូឌែលមួយក្នុងចំនោមម៉ូដែលដែលនឹងមកដល់នាពេលខាងមុខ គឺជាប្រភេទរថយន្តភីកអាប់ Hilux ដែលគ្រោងផលិតនៅក្នុងប្រទេសថៃចាប់ពីខែតុលា ឆ្នាំ ២០២៥ ៕
