ទីបំផុត Hyundai អាចប្រើឡានបើកដោយស្វ័យប្រវត្តិរបស់ខ្លួន ក្នុងប្រទេសធំមួយនេះ

រថយន្តបើកបរដោយខ្លួនឯងកាន់តែខិតជិតទៅរកភាពសាមញ្ញមួយនៃជីវិតរស់នៅរបស់យើង។ មិនយូរប៉ុន្មាន ក្រុមហ៊ុន Walmart នឹងដឹកជញ្ជូនអីវាន់ដល់ផ្ទះរបស់អ្នក ដោយប្រើប្រាប់យានយន្តស្វ័យប្រវត្តិ ហើយក្រុមហ៊ុនដូចជា Tesla ដែលមានការជឿនលឿនផ្នែកបច្ចេកវិទ្យានេះ បង្ហាញថា រថយន្តរបស់ខ្លួនមានសមត្ថភាពលើគ្រប់ផ្លូវទាំងអស់។

ឥឡូវនេះ Motional ដែលជាក្រុមហ៊ុនទ្រទ្រង់ដោយក្រុមហ៊ុន Aptiv និងក្រុមហ៊ុនរថយន្ត Hyundai ទើបតែទទួលបានការយល់ព្រមពីរដ្ឋ Nevada ដើម្បីអាចបើកដំណើរការរថយន្តបើកស្វ័យប្រវត្តិរបស់ខ្លួន នៅទីក្រុង Las Vegas សហរដ្ឋអាមេរិក។

ផ្ទាំងផ្សាយពាណិជ្ជកម្ម

ទោះជាយ៉ាងណា វាមិនមែនមានន័យថា យើងនឹងអាចមើលឃើញរថយន្តរបស់ Hyundai បើកបរនៅលើដងផ្លូវដោយគ្មានតៃកុងក្នុងពេលឆាប់ៗនោះទេ ប៉ុន្តែវាមានន័យថា នៅពេលដែលពួកគេត្រៀមខ្លួនរួចជាស្រេចដើម្បីបើកដំណើរការបច្ចេកវិទ្យានោះ ពួកគេក៏ទទួលបានការអនុញ្ញាតរួចស្រាប់ទៅហើយ៕

ផ្ទាំងផ្សាយពាណិជ្ជកម្ម