[បរទេស] កាលពីពេលថ្មីៗនេះ រូបភាពរបស់រថយន្ត Kuluze ប្រភេទ SUV ខ្នាតតូច របស់ក្រុមហ៊ុនផលិតរថយន្តប្រទេសចិន ដែលមានរូបរាងដូចទៅនឹងរថយន្ត Toyota Land Cruiser LC300 បានលេចចេញនៅលើបណ្តាញសង្គមចិន Weibo ។
តាមរូបភាពអ្នកអាចមើលឃើញថាការរចនាផ្នែកខាងមុខរបស់ Kuluze គឺស្ទើរតែដូចគ្នាទៅនឹងរថយន្ត Land Cruiser LC300 ទោះបីជាមានទំហំតូចជាងបន្តិចក៏ដោយ ដោយមានមានចង្កៀងមុខជាមួយនឹងអំពូលបំភ្លឺពេលថ្ងៃ LED ព្រមទាំងប៉ាណាមុខធំគ្របដណ្ដប់ដោយបន្ទះប្រាក់ដែលរត់កាត់រាងផ្ដេក។
ខណះផ្នែកចំហៀងនៃរថយន្តប្រភេទ SUV នេះស្ទើរតែដូចរថយន្ត Land Cruiser ពិតប្រាកដ ប៉ុន្តែបានបំពាក់ថាសកង់ និងសំបកកង់ទំហំតូច និងផ្នែកខាងក្រោយក៏មានចង្កៀង ដូចទៅនឹងរថយន្ត LC300 ទាំងស្រុងផងដែរ។
គួរបញ្ជាក់ផងដែរ គេនៅមិនទាន់ដឹងថា រថយន្តនេះជាគំរូផលិតកម្ម ឬជាការផលិតឡើងសម្រាប់មានតែមួយ ឬការផលិតម៉ូដែលពិសេសរបស់ក្រុមហ៊ុនកែច្នៃនោះទេ ៕
