[ទីផ្សារបរទេស] ក្រុមហ៊ុន Fisker បានធ្វើការដាក់បង្ហាញនូវរថយន្ត Ocean ប្រើប្រាស់អគ្គិសនីសុទ្ធ ជាមួយនឹងការសាកភ្លើងពេញម្តង អាចជិះបានចម្ងាយ ៦៣០ គីទ្បូម៉ែត្រ សម្រាប់ទីផ្សារនៅចក្រភពអង់គ្លេស។
ចំពោះរថយន្តអគ្គិសនី Fisker Ocean ប្រភេទ sport បានបំពាក់ម៉ូទ័រអគ្គិសនី ១ និងកញ្ចក់អាគុយ Touring Range ផលិតកម្លាំង ២៧៥សេះ ដែលអនុញ្ញាតឱ្យម៉ូឌែលនេះជិះបានចម្ងាយ ៤៤០ គីទ្បូម៉ែត្រ។
ខណៈដែលម៉ូឌែល Ultra បំពាក់ម៉ូទ័រអគ្គិសនី ២ និងកញ្ចប់អាគុយ Hyper Range ផលិតកម្លាំង ៥៤០សេះ ដែលអាចជិះបានចម្ងាយ ៦១០ គីទ្បូម៉ែត្រ ដោយបង្កើតល្បឿនពី ០-១០០ គីទ្បូម៉ែត្រក្នុងរយៈពេល ១ ម៉ោង ត្រឹមតែ ៤,២ វិនាទី។
រីឯម៉ូឌែល Extreme និង One Launch Edition បានបំពាក់ម៉ូទ័រអគ្គិសនី ២ ផលិតកម្លាំង ៥៥០សេះ ដោយការសាកភ្លើងពេញម្តង អាចជិះបានចម្ងាយ ៦៣០ គីទ្បូម៉ែត្រ យូរជាម៉ូឌែល Ultra ដែលអាចបង្កើតល្បឿនពី 0-១០០ គីទ្បូម៉ែត្រក្នុងរយៈពេល ១ ម៉ោង ត្រឹមតែ ៣,៩ វិនាទីប៉ុណ្ណោះ។
សម្រាប់រថយន្តអគ្គិសនី Fisker Ocean បានបំពាក់នូវអេក្រង់ប្រព័ន្ធកម្សាន្តទំហំ ១៧,១ អ៊ីញ, ឧបករណ៍បំពងសំលេង ៨ ចំណុចប្រភេទ Harman និងកញ្ចក់មើលក្រោយនៅក្នុងរថយន្តគឺជាអេក្រង់ឌីជីថលផងដែរ។
បន្ថែមពីនេះវាក៏មានប្រព័ន្ធជំនួយការបើកបរដូចជា៖ ប្រព័ន្ធជំនួយការពេលចាប់ហ្វាំ្រងបន្ទាន់, blind spot monitoring, ប្រព័ន្ធជំនួយការបើកបរអោយនៅគន្លងផ្លូវ, ការជួយចតរថយន្ត និងបច្ចេកវិទ្យាសម្គាល់សញ្ញាចរាចរណ៍ជាដើម។
យ៉ាងណាមិញចំពោះរថយន្តអគ្គិសនី Fisker Ocean មានជម្រើស ៤ ម៉ូឌែល កៅអី ៥ ដូចជា៖ Sport, Ultra, Extreme និង One Lauch Edition មានតម្លៃចាប់ពី ៤៦ ៨៦៧ ដុល្លារ សម្រាប់ទីផ្សារនៅចក្រភពអង់គ្លេស៕
