[ទីផ្សារបរទេស] ក្រុមហ៊ុន Toyota បានខកខានការផលិតរថយន្តជាសកលកាលពីខែមសាកន្លងទៅនេះដោយសារតែការរាលដាលឆ្លងជំងឺកូវីត-១៩ និងកង្វះបន្ទះឈីប។ នេះបើយោងតាមចុះផ្សាយរបស់សារព័ត៌មាន Reuters។
យោងតាមការលក់រថយន្តរបស់ក្រុមហ៊ុន Toyota កាលពីខែមេសាកន្លងទៅនេះបានចំនួនប្រមាណ ៦៩២,២៥៩ គ្រឿង ដែលធ្វើឱ្យការលក់នេះធ្លាក់ចុះរហូតដល់ ៩,១% បើធៀបដូចគ្នាកាលពីឆ្នាំមុន ហើយការធ្លាក់ចុះការលក់រថយន្តនេះប្រហែល ៧៥០,០០០ គ្រឿងនៅទូទាំងពិភពលោក។
ដោយទ្បែកចំពោះក្រុមហ៊ុន Toyota បានបន្ទាបផែនការផលិតរថយន្តជាសកលរបស់ខ្លួនសម្រាប់ខែមិថុនាមកនៅត្រឹមប្រហែល ៨០ ម៉ឺនគ្រឿងប៉ុណ្ណោះ ដោយសារតែរងផលប៉ះពាល់នៃវិធានការទប់ស្កាត់កូវីត-១៩ នៅក្នងប្រទេសចិន និងកាត់បន្ថយការផលិតរថយន្តពេញមួយឆ្នាំរបស់ខ្លួនមកត្រឹមចំនួន ៩,៧ លានគ្រឿង។
គួររំលឹកផងដែរថាការលក់រថយន្តរបស់ក្រុមហ៊ុន Toyota នៅទូទាំងពិភពលោកបានធ្លាក់ចុះរហូតដល់ ១១,១% នៅខែមេសាបើធៀបនឹងខែដូចគ្នាកាលពីឆ្នាំមុនមកត្រឹម ៧៦៣,៧០៨ គ្រឿង ស្របពេលដែលការលក់នៅក្នុងស្រុកដោយមិនរាប់បញ្ចូលនឹងការលក់រថយន្ត Daihatsu និង Hino Motors បានធ្លាក់ចុះ ១៧% ជាដើម៕
