Peugeot Motocycles ដែលជាក្រុមហ៊ុនបុត្រសម្ព័ន្ធរបស់ Peugeot Group បានរចនា និងផលិតម៉ូតូតាំងពីឆ្នាំ ១៨៩៨ ដោយទទួលបានកេរ្តិ៍ឈ្មោះល្បីល្បាញទៅលើគុណភាព ការរចនា និងការច្នៃប្រឌិត។ ទន្ទឹមនឹងនេះដែរ ចាប់តាំងពីចូលទីផ្សារកម្ពុជាក្នុងឆ្នាំ ២០២៣ Peugeot Motocycles បានវិវត្តន៍ខ្លួនយ៉ាងឆាប់រហ័សក្លាយជាក្រុមហ៊ុនដ៏លេចធ្លោមួយនៅក្នុងទីផ្សារម៉ូតូនៅអាស៊ីអាគ្នេយ៍។ មិនតែប៉ុណ្ណោះក្រុមហ៊ុន ក៏កំពុងចាប់យកតម្រូវការដែលកំពុងកើនឡើងនៅកម្ពុជា សម្រាប់ប្រភេទម៉ូតូ Scooter ដែលមានគុណភាព ដោយផ្ដោតទៅលើការយកចិត្តទុកដាក់លើការផ្តល់នូវដំណោះស្រាយដែលអាចទុកចិត្តបាន ទាន់សម័យ និងមានប្រសិទ្ធភាពសម្រាប់អ្នកប្រើប្រាស់ម៉ូតូនៅកម្ពុជា។
ក្នុងពេលជាមួយគ្នានេះដែរ Peugeot Motocycles នៅតែបន្តស្វែងរកអ្វីដែលថ្មីសំរាប់អ្នកប្រើប្រាស់ម៉ូតូ ជាពិសេសផ្ដល់ឱ្យពួកគេនូវគុណភាព ភាពរឹងមាំ និងជំរុញ រួមទាំងបង្កើតគំនិតនៃវប្បធម៌នៃការជិះម៉ូតូ។គួរបញ្ជាក់ផងដែរថាកាលពីថ្ងៃទី ២៩ ខែមីនា ឆ្នាំ ២០២៥ កន្លងទៅថ្មីៗនេះ ម៉ូតូ Peugeot Django Café Racer 150 ត្រូវបានដាក់លក់ជាផ្លូវការក្នុងប្រទេសកម្ពុជា ដែលត្រូវម៉ាច់តែម្ដងចំពោះអ្នកចូលចិត្តជិះម៉ូតូប្រភេទអូតូ Scooter និងកាត់រាងបែបក្លាសិក។
Café Racer ជារចនាប័ទ្មដ៏សំខាន់នៃម៉ូតូ មានដើមកំណើតនៅក្នុងក្រុមយុវជនអឺរ៉ុបក្នុងទសវត្សរ៍ទី៥០ និង ៦០ នៃសតវត្សចុងក្រោយ។ ដោយមានការងប់ងល់នឹងតន្ត្រីរ៉ុក និងការប្រណាំងម៉ូតូពួកគេបានប្តូរម៉ូតូរបស់ពួកគេ ហើយបើកការប្រណាំងល្បឿនលឿនមួយនៅតាមដងផ្លូវក្នុងទីក្រុង។ ក្នុងនោះពួកគេបានកែប្រែម៉ូតូរបស់ខ្លួនទៅលើផ្នែកមួយចំនួនដូចជា ដៃចង្កូតបែបស្ព័រ និងកញ្ចក់ ស្លាកលេខ និងស្លាកលេខដែលមានជាទូទៅក្នុងអំឡុងពេលការប្រណាំងត្រូវបានបន្សល់ទុករហូតមកដល់សព្វថ្ងៃនេះ ដោយបង្កើតជារចនាប័ទ្ម Café Racer ដែលមានលក្ខណៈពិសេសក្នុងរចនាប័ទ្មកីឡាបែបអតីតកាល ហើយត្រូវបានអ្នកប្រើប្រាស់ម៉ូតូសម័យទំនើបពេញនិយម និងប្រាថ្នាចង់បានខ្លាំងមែនទែន។
លោក ពុំ សូរិយា នាយកគ្រប់គ្រងក្រុមហ៊ុន TF Motors បានមានប្រសាសន៍ថា៖ “ឆ្នាំ ២០២៥ គឺជាខួបលើកទី ១២៧ នៃម៉ូតូ Peugeot ហើយ Django Café Racer 150 ដែលត្រូវបានរចនាឡើងដើម្បីរំលេចបុគ្គលិកលក្ខណៈរបស់អ្នកបើកបរនេះ មិនត្រឹមតែបន្តនូវការចងចាំពីអតីតកាលប៉ុណ្ណោះទេ ប៉ុន្តែថែមទាំងផ្តល់ចំណាប់អារម្មណ៍ដល់អ្នកជិះផ្ទាល់ផងដែរ ដែលខ្ញុំជឿថានឹងបង្កើតនូវបទពិសោធន៍ដ៏អស្ចារ្យមិនធ្លាប់មានសម្រាប់អ្នកបើកបរក៏ដូចជាអ្នកប្រើប្រាស់ម៉ូតូប្រភេទ Scooter.”
ក្រលេកមកមើលម៉ូឌែលថ្មីនេះវិញ Django Café Racer 150 បំពាក់នូវ signature design របស់ Café Racer ដែលមានកែបខ្ពស់។ លើសពីនេះ កែបត្រូវបានឌីហ្សាញជាប្រភេទពូកទន់ល្មើយ ហើយកែបខាងក្រោយអាចផ្លាស់ប្ដូរបានទៀត ធ្វើឱ្យអ្នកបើកបរមានផាកសុភាព សប្បាយរីករាយ និងមិនស្ពឹកស្រពន់ដៃជើង ឬ ហត់នឿយក្នុងពេលបើកបរឡើយ។
ចំណុចដែលកាន់តែចាប់អារម្មណ៍ Django Café Racer មានឌីហ្សាញលេខ 88 នៅលើរបាំងទប់ខ្យល់ខាងមុខ ដោយផ្លាកលេខ 88 នេះជាលេខអ្នកប្រណាំងរបស់ម្ចាស់ជើងឯកពិភពលោក Off-Road Championship ឆ្នាំ 1988 Wattanin ដែលបានបើកឡាន Peugeot 405 T16 ទៅកាន់ Pikes Peak International Hill Climb ដោយទទួលបានចំណាត់ថ្នាក់លេខ 1 និងទី 2 ។
រីឯនៅផ្នែកខាងមុខម៉ូតូត្រូវបានឌីហ្សាញឡើងយ៉ាងស្រស់ស្អាត ហើយទាក់ចិត្តមែនទែនទៅលើឡូហ្គូ PEUGEOT បុរាណតែមើលទៅទាន់សម័យដោយសារការដាប់ឆ្លាក់យ៉ាងប្រណិត ដែលនេះបង្ហាញពី DNA ដែលមានអាយុកាល មួយសតវត្សន៍របស់ Peugeot។
ចំណែកឯកាងក្រោយវិញ ត្រូវបានឌីហ្សាញឡើងយ៉ាងប្រណិតពីលោហធាតុ chrome metallic សុទ្ធ មានទំហំខ្លីហើយកោង ដើម្បីផ្ដល់នូវភាពងាយស្រួលក្នុងការចាប់កាន់ ឬ ទប់ខ្លួន។ លើសពីនេះទៅទៀតសម្រស់របស់ Django Cafe Racer 150 កាន់តែទាក់ទាញដោយសារ ការឌីហ្សាញបូមមុខពណ៌ខ្មៅ ជួយលើកឱ្យម៉ូតូម៉ូឌែលនេះកាន់តែលេខធ្លោ។
ម៉ូតូ Django Café Racer 150 មានពីរពណ៌សំរាប់ជ្រើសរើស គឺពណ៌ Flash Silver និង Lichen Grey ហើយ Peugeot Django Café Racer 150 ស៊េរីថ្មីនេះ មានតម្លៃចាប់ពី $3,XXX ក្នុងទីផ្សារកម្ពុជា ជាមួយនឹងការផ្ដល់ជូននៅ មួកសុវត្ថិភាព ស្លាកលេខ និងបណ្ណចាក់សាំង ៥០ដុល្លារ ជាកាដូផងដែរ ៕
