[ទីផ្សាររថយន្តក្នុងស្រុក] ក្រោយពីក្រុមហ៊ុន Ford សហរដ្ឋអាមេរិចធ្លាប់បានប្រកាសចេញនៅម៉ូដែលថ្មីរបស់ខ្លួនកាលពីដើមឆ្នាំកន្លងទៅនេះ។ ឥឡូវនេះក្រុមហ៊ុនផ្លូវការរបស់កម្ពុជាគឺ Ford Cambodia ក៏បានធ្វើការប្រកាសចេញនៅរថយន្ត Ford F-150 Raptor ២០២១ សម្រាប់ទីផ្សារប្រទេសកម្ពុជាផងដែរ។ អ្វីដែលប្រកាសចេញនោះគឺស្របជាមួយនឹងព័ត៌របស់ទីផ្សារបរទេសដែល គឺរថយន្តនេះត្រូវបានផ្លាស់ប្តូររូបរាងថ្មីទាំងស្រុង ទាំងផ្នែកខាងក្នុង និងខាងក្រៅ រួមជាមួយបច្ចេកវិទ្យាទំនើបៗជាច្រើន។ យើងនឹងរង់ចាំមើលព័ត៌មានផ្លូវការបន្ថែមទៀត ពីក្រុមហ៊ុន Ford Cambodia។ ដែលបងប្អូនអាចធ្វើការសាកសួរ ឬកក់បានតាមរយៈលេខទូរស័ព្ទ 078 333 748 | 016 333 785។
គួរបញ្ជាក់ផងដែរថា យោងតាមព័ត៌មានដែលខេមបូអូតូ ធ្លាប់បានចេញផ្សាយជាច្រើនទាក់ទងនឹងម៉ូដែលថ្មីនេះ រថយន្តនេះនឹងមានបំពាក់ដោយម៉ាស៊ីន EcoBoost ៦ស៊ីឡាំង ចំណុះ ៣,៥លីត្រ កម្លាំង ៤៥០សេះ ដែលមានការអាប់ដេតថ្មី។
ជាមួយគ្នានោះដែរ Ford សហរដ្ឋអាមេរិច ធ្លាប់បានបញ្ជាក់ហើយថានៅឆ្នាំ ២០២២ នឹងមានការបង្ហាញចេញរថយន្ត Raptor R ដែលរំពឹងថានឹងប្រើប្រាស់ម៉ាស៊ីន Supercharged ចំណុះ ៥,២លីត្រ ៨ស៊ីឡាំង ដូចដែលមានប្រើនៅលើរថយន្ត Mustang Shelby GT500។ ម៉ាស៊ីននេះអាចផលិតកម្លាំងបាន ៧៦០សេះ ដែលសក្តិសមជាគូប្រជែងពិតប្រាកដរបស់រថយន្ត Ram 1500 TRX។
